Cyfarfod y Cabinet: 7 Tachwedd 2022

• Y Gwir Anrh. Mark Drakeford AS
• Rebecca Evans AS
• Vaughan Gething AS
• Lesley Griffiths AS
• Jane Hutt AS
• Julie James AS
• Jeremy Miles AS
• Eluned Morgan AS
• Mick Antoniw AS

• Hannah Blythyn AS
• Dawn Bowden AS
• Julie Morgan AS
• Lynne Neagle AS
• Lee Waters AS

Swyddogion

• Andrew Goodall, yr Ysgrifennydd Parhaol
• Des Clifford, Cyfarwyddwr Swyddfa’r Prif Weinidog
• Will Whiteley, Pennaeth Is-adran y Cabinet
• Toby Mason, Pennaeth Cyfathrebu Strategol
• Jane Runeckles, Cynghorydd Arbennig
• Alex Bevan, Cynghorydd Arbennig
• Daniel Butler, Cynghorydd Arbennig
• Ian Butler, Cynghorydd Arbennig
• Kate Edmunds, Cynghorydd Arbennig
• Sara Faye, Cynghorydd Arbennig
• Sam Hadley, Cynghorydd Arbennig
• Clare Jenkins, Cynghorydd Arbennig
• Owen John, Cynghorydd Arbennig
• Mitch Theaker, Cynghorydd Arbennig
• Tom Woodward, Cynghorydd Arbennig
• Christopher W Morgan, Pennaeth Ysgrifenyddiaeth y Cabinet (cofnodion)
• Damian Roche, Ysgrifenyddiaeth y Cabinet
• Catrin Sully, Swyddfa’r Cabinet
• Tracey Burke, Cyfarwyddwr Cyffredinol, Newid Hinsawdd a Materion Gwledig
• Jo-Anne Daniels, Cyfarwyddwr Cyffredinol Addysg, Cyfiawnder Cymdeithasol a’r Gymraeg
• Reg Kilpatrick, Cyfarwyddwr Cyffredinol, Adfer wedi COVID-19 a Llywodraeth Leol
• Tim Moss, Prif Swyddog Gweithredu
• Judith Paget, Cyfarwyddwr Cyffredinol, Iechyd a Gwasanaethau Cymdeithasol
• Andrew Slade, Cyfarwyddwr Cyffredinol, Yr Economi, y Trysorlys a’r Cyfansoddiad
• Gawain Evans, Cyfarwyddwr Cyllid (eitem 2)
• Sharon Bounds, Dirprwy Gyfarwyddwr Rheolaethau Ariannol (eitem 2)
• Emma Watkins, Dirprwy Gyfarwyddwr Cyllideb a Busnes y Llywodraeth (eitem 2)
• Jo Salway, Cyfarwyddwr Partneriaeth Gymdeithasol a Gwaith Teg (eitem 4)
• Sam Huckle, Pennaeth Cyflenwi a Gweithrediadau Cyflogadwyedd (eitem 4)
• Gareth Woodhead, Pennaeth Gwarant i Bobl Ifanc (eitem 4)
• Rachel Garside-Jones, Pennaeth Uned y Cytundeb Cydweithio (eitem 5)

1.1 Cymeradwyodd y Cabinet gofnodion 20 a 24 Hydref.

2.1 Rhoddodd y Prif Weinidog wybod i'r Cabinet ei fod wedi dal COVID-19 dros y penwythnos ac y byddai'n gweithio’n rhithwir yr wythnos honno. Gallai fod rai digwyddiadau ble byddai angen iddo ofyn i Weinidogion weithredu ar ei ran. Yn ogystal, roedd y Cyngor Prydeinig-Gwyddelig yn cael ei gynnal yn Blackpool yn ddiweddarach yr wythnos honno. Roedd yn gobeithio ymuno â'r cyfarfodydd yn rhithwir, ond os na fyddai hynny'n bosibl, efallai y byddai’n gofyn i Weinidog arall gynrychioli'r Llywodraeth.

3.1 Ystyriodd y Cabinet Grid y Cyfarfodydd Llawn a nodwyd bod yr amser pleidleisio wedi'i drefnu ar gyfer 5:45pm ddydd Mawrth a thua 6:55pm ddydd Mercher. Hyd yma, roedd un Cwestiwn Amserol wedi'i gyflwyno yn gofyn a fyddai'r Llywodraeth yn darparu cymorth ariannol ychwanegol i Gyngor Castell-nedd Port Talbot i ddelio â'r llifogydd diweddar yn ardal Melyn.

4.1 Cyflwynodd Gweinidog yr Economi'r papur, a oedd yn gofyn i'r Cabinet gadarnhau a ddylai cwmpas y Warant i Bobl Ifanc barhau ar gyfer pob rhaglen addysg, hyfforddiant, cyflogadwyedd a hunangyflogaeth ar gyfer pobl rhwng 16 a 24 oed. Gofynnwyd i Weinidogion gytuno i ganolbwyntio ar roi adnoddau ychwanegol Gwarant i Bobl Ifanc i'r rhai hynny nad ydynt mewn addysg, cyflogaeth na hyfforddiant.

4.2 Roedd nifer o fesurau wedi'u datblygu i reoli effaith bosib COVID-19 ar bobl ifanc, fodd bynnag, yn dilyn y pandemig, ni chafwyd y lefel ddisgwyliedig o ddiweithdra ymhlith pobl ifanc. Serch hynny, bu cynnydd yn nifer y rhai nad oedd mewn addysg, cyflogaeth na hyfforddiant ynghyd ag achosion o greithio difrifol, lle'r oedd un o bob tri pherson ifanc yn credu na fyddai eu rhagolygon gwaith byth yn dod dros effaith y pandemig.

4.3 Bu Sgwrs Genedlaethol â phobl ifanc dros y misoedd diwethaf, a phrif thema’r trafodaethau oedd adroddiadau am faterion difrifol o ran iechyd meddwl a hyder, ochr yn ochr â materion mwy traddodiadol, megis cael mynediad at drafnidiaeth a darpariaeth gofal. Cafwyd adborth tebyg gan Gyrfa Cymru, gweithwyr arweiniol Awdurdodau Lleol a darparwyr gwasanaethau eraill.

4.4 Gwnaed gwelliannau er mwyn helpu i nodi'r bobl ifanc hynny a allai fod angen cymorth ychwanegol. Byddai'r Fframwaith Ymgysylltu a Datblygu Ieuenctid adnewyddedig yn chwarae rhan allweddol yn y broses o nodi unigolion posibl mewn ysgolion ac unigolion hyd at 18 oed yn gynnar.

4.5 Byddai'r Warant yn fwy gweladwy drwy ddefnyddio'r brand ynghyd â chyllid presennol a pharamedrau cytundebol, gan ddechrau gyda'r Rhaglenni Cyflogadwyedd. Drwy'r ymgyrchoedd hyn, byddai digwyddiadau sgiliau a gyrfaoedd yn cael eu hyrwyddo, ynghyd â chyfleoedd ail gyfle mewn addysg bellach ac addysg uwch a phrentisiaethau. 

4.6 Cymeradwyodd y Cabinet y papur.

Adroddiad Blynyddol y Cytundeb Cydweithio 2021-22 CAB(22-23)18

5.1 Nododd y Cabinet Adroddiad Blynyddol y Cytundeb Cydweithio ar gyfer 2021-22, a fyddai'n cael ei gyhoeddi ym mis Rhagfyr, tua blwyddyn ers arwyddo'r cytundeb gwreiddiol.

Ysgrifenyddiaeth y Cabinet
Tachwedd 2022