Yn bresennol

  • Y Gwir Anrh. Mark Drakeford AC, y Prif Weinidog
  • Rebecca Evans AC
  • Vaughan Gething AC
  • Lesley Griffiths AC
  • Julie James AC
  • Kirsty Williams AC
  • Jeremy Miles AC
  • Eluned Morgan AC
  • Ken Skates AC (drwy delegynadledda)
  • Jane Hutt AC
  • Hannah Blythyn AC
  • Julie Morgan AC
  • Lee Waters AC
  • Carys Evans, Prif Ysgrifennydd Preifat Prif Weinidog Cymru
  • Will Whiteley, Pennaeth Is-adran y Cabinet
  • Toby Mason, Pennaeth Cyfathrebu Strategol
  • Jane Runeckles, Cynghorydd Arbennig
  • Alex Bevan, Cynghorydd Arbennig
  • Dan Butler, Cynghorydd Arbennig
  • Paul Griffiths, Cynghorydd Arbennig
  • Clare Jenkins, Cynghorydd Arbennig
  • Andrew Johnson, Cynghorydd Arbennig
  • Tom Woodward, Cynghorydd Arbennig
  • Damian Roche, Ysgrifenyddiaeth y Cabinet (cofnodion)

Ymddiheuriadau

  • Dafydd Elis Thomas AC

Eitem 1: Cyhoeddi’r Gyllideb ddrafft

1.1 Dywedodd y Prif Weinidog wrth y Cabinet ei fod wedi galw’r cyfarfod i benderfynu a ddylid gohirio cyhoeddi’r Gyllideb ddrafft tan ar ôl Etholiad Cyffredinol y DU ym mis Rhagfyr.

1.2 Ar ôl pwyso a mesur, cytunodd y Cabinet y dylid gohirio cyhoeddi’r Gyllideb tan ddydd Llun 16 Rhagfyr, ond dywedwyd y byddai’n bwysig ystyried pa gymorth y gellid ei gynnig i Lywodraeth Leol, yn enwedig o gofio ei dyletswydd i ymgynghori ar ei chyllidebau.

1.3 Cadarnhaodd y Gweinidogion y dylid cyhoeddi’r setliad Llywodraeth Leol yr un diwrnod â’r Gyllideb ddrafft; ond byddai angen sicrhau bod y ddogfennaeth yn darparu mwy o eglurder am grantiau unigol.

1.4 O ran amserlen ddiwygiedig y Gyllideb, byddai dadl yn cael ei chynnal ar y datganiad llafar ar y Gyllideb ddrafft ar 7 Ionawr, gyda’r ddadl wedi ei hamserlennu ar gyfer 4 Chwefror. Byddai’r Cabinet yn ystyried y Gyllideb derfynol yn yr wythnos yn dechrau 10 Chwefror, a byddai honno’n cael ei chyhoeddi wedyn ar 25 Chwefror, gyda’r ddadl arni’n cael ei chynnal ar 3 Mawrth. Byddai dadl ar y setliad Llywodraeth Leol yn cael ei chynnal wedyn ar y diwrnod canlynol.

1.5 Cytunodd y Cabinet y dylai swyddogion fwrw ymlaen â’r Gyllideb yn unol â’r hyn a drafodwyd.