Neidio i'r prif gynnwy

Yn bresennol

  • Y Gwir Anrh Mark Drakeford AC (Cadeirydd)
  • Rebecca Evans AC
  • Vaughan Gething AC
  • Lesley Griffiths AC
  • Julie James AC
  • Eluned Morgan AC
  • Ken Skates AC
  • Kirsty Williams AC
  • Jeremy Miles AC
  • Jane Hutt AC
  • Hannah Blythyn AC
  • Dafydd Elis-Thomas AC
  • Julie Morgan AC
  • Lee Waters AC
  • Shan Morgan – yr Ysgrifennydd Parhaol
  • Des Clifford – Cyfarwyddwr Cyffredinol, Swyddfa’r Prif Weinidog
  • Carys Evans – Prif Ysgrifennydd Preifat Prif Weinidog Cymru 
  • Will Whiteley – Pennaeth Is-adran y Cabinet
  • Jane Runeckles – Cynghorydd Arbennig
  • David Davies – Cynghorydd Arbennig
  • Madeleine Brindley – Cynghorydd Arbennig
  • Alex Bevan – Cynghorydd Arbennig
  • Sara Faye – Cynghorydd Arbennig
  • Andrew Johnson – Cynghorydd Arbennig
  • Paul Griffiths – Cynghorydd Arbennig
  • Clare Jenkins – Cynghorydd Arbennig
  • Tom Woodward – Cynghorydd Arbennig
  • Christopher W Morgan – Ysgrifenyddiaeth y Cabinet (cofnodion)
  • Damian Roche – Ysgrifenyddiaeth y Cabinet
  • Julia Douch – Rheolwr Gweithredu ar gyfer Cyrff Cyhoeddus (eitem 4)
  • Usha Ladwa-Thomas – Swyddog Datblygu – Cyflawni Uniongyrchol (eitem 4)
  • Craig Greenland – Pennaeth yr Uned Penodiadau Cyhoeddus (eitem 4)
  • Uzo Iwobi – Cynghorydd Polisi Arbenigol (eitem 4)
  • Jon Luxton – Cynghorydd Polisi Arbenigol (eitem 4)
  • Ian Williams – Dirprwy Gyfarwyddwr, Cartrefi a Lleoedd (eitem 5)
  • Mark Williams – Pennaeth y Strategaeth Adfywio (eitem 5)

Eitem 1: Cofnodion y cyfarfod blaenorol

  1. Cymeradwyodd y Cabinet gofnodion y cyfarfodydd a gynhaliwyd ar 2 a 18 Rhagfyr.

Eitem 2: Eitemau’r Prif Weinidog

Cysylltiadau â Llywodraeth y DU

  1. Dywedodd y Prif Weinidog wrth y Cabinet fod nifer o faterion rhynglywodraethol allweddol y byddai'n rhaid eu hystyried yn dilyn canlyniad Etholiad Cyffredinol Senedd y DU. Roedd hyn yn cynnwys y cwestiwn o roi cydsyniad deddfwriaethol i Fil yr Undeb Ewropeaidd (Cytundeb Ymadael).
  2. Dywedodd y Prif Weinidog wrth y Cabinet ei fod wedi cael sgyrsiau ffôn gyda Phrif Weinidog y DU, Ysgrifennydd Gwladol Cymru a Phrif Weinidog yr Alban ers yr etholiad.

Eitem 3: Busnes y Llywodraeth yn y Cyfarfod Llawn

  1. Ystyriodd y Cabinet gynnwys grid y Cyfarfodydd Llawn, gan nodi bod un cwestiwn amserol wedi cael ei gyflwyno hyd yma ar ddyfodol cynhyrchu dur ym Mhort Talbot.

Eitem 4: Strategaeth Amrywiaeth a Chynhwysiant ar gyfer Penodiadau Cyhoeddus CAB(19-20)24

  1. Cyflwynodd y Dirprwy Weinidog a'r Prif Chwip y papur, a oedd yn gofyn i'r Cabinet gymeradwyo'r Strategaeth Amrywiaeth a Chynhwysiant ar gyfer Penodiadau Cyhoeddus yng Nghymru.
  2. Y nod oedd gwella amrywiaeth mewn bywyd cyhoeddus. Byddai'r Strategaeth Amrywiaeth a Chynhwysiant yn gwneud iawn am y ffaith nad yw’r broses penodiadau cyhoeddus yn dryloyw nac yn agored wrth fynd i'r afael â diffyg 'profiadau bywyd' darpar ymgeiswyr ac aelodau o'r bwrdd.
  3. Roedd y strategaeth yn cynnwys gweledigaeth y dylai poblogaeth Cymru gael ei hadlewyrchu yng nghyrff cyhoeddus Cymru. Roedd hefyd yn canolbwyntio ar wella'r broses o recriwtio i'r byrddau rheoleiddiedig a reolir gan Lywodraeth Cymru. Byddai modd trosglwyddo'r arferion da a ddatblygodd o'r strategaeth hon i fyrddau heb eu rheoleiddio a byrddau eraill yng Nghymru.
  4. Croesawodd y Cabinet y papur gan longyfarch yr holl swyddogion a oedd wedi cymryd rhan yn y broses o ddatblygu'r Strategaeth.
  5. Nodwyd y byddai dwy flynedd gyntaf y Strategaeth yn canolbwyntio ar gefnogi pobl anabl, pobl dduon ac Asiaidd a lleiafrifoedd ethnig i gael eu penodi i swyddi cyhoeddus.
  6. Cymeradwyodd y Cabinet y papur.

Eitem 5: Yr Egwyddor Canol Trefi’n Gyntaf

  1. Cyflwynodd y Dirprwy Weinidog Tai a Llywodraeth Leol y papur, a oedd yn gofyn i'r Cabinet fabwysiadu egwyddor Canol Trefi'n Gyntaf a fyddai’n llywio penderfyniadau ynglŷn â lleoliad swyddfeydd, cyfleusterau a gwasanaethau yng Nghymru.  
  2. Croesawodd y Cabinet y papur.
  3. Cymeradwyodd y Cabinet y papur.