Cyfarfod y Cabinet: 17 Chwefror 2025

• Y Gwir Anrhydeddus Eluned Morgan AS (Cadeirydd)
• Huw Irranca-Davies AS
• Jayne Bryant AS
• Mark Drakeford AS
• Rebecca Evans AS
• Jane Hutt AS
• Jeremy Miles AS
• Lynne Neagle AS
• Ken Skates AS
   
• Dawn Bowden AS
• Sarah Murphy AS
• Vikki Howells AS

Ymddiheuriadau

• Julie James AS
• Jack Sargeant AS

Swyddogion

• Andrew Goodall, yr Ysgrifennydd Parhaol
• Rachel Garside-Jones, Cyfarwyddwr Pontio, Swyddfa'r Prif Weinidog
• Rebecca Dunn, Pennaeth Is-adran y Cabinet
• Victoria Jones, Prif Ysgrifennydd Preifat y Prif Weinidog
• Toby Mason, Pennaeth Cyfathrebu Strategol
• Sinead Gallagher, Dirprwy Gyfarwyddwr Swyddfa'r Cabinet
• Wayne David, Cynghorydd Arbennig
• Sarah Dickins, Cynghorydd Arbennig
• Madeleine Brindley, Cynghorydd Arbennig
• Ian Butler, Cynghorydd Arbennig
• Haf Davies, Cynghorydd Arbennig
• Victoria Evans, Cynghorydd Arbennig
• David Hooson, Cynghorydd Arbennig
• Kirsty Keenan, Cynghorydd Arbennig
• Jackie Jones, Cynghorydd Arbennig
• Stephen Jones, Cynghorydd Arbennig
• Philippa Marsden, Cynghorydd Arbennig
• Martha O'Neil, Cynghorydd Arbennig
• Maddie Rees, Cynghorydd Arbennig
• Victoria Solomon, Cynghorydd Arbennig
• Mary Wimbury, Cynghorydd Arbennig
• Christopher W Morgan, Pennaeth Ysgrifenyddiaeth y Cabinet (cofnodion)
• Damian Roche, Ysgrifenyddiaeth y Cabinet
• Helena Bird, Swyddfa’r Ysgrifennydd Parhaol
• Kath Hallett, Swyddfa’r Prif Weinidog
• Tracey Burke, Cyfarwyddwr Cyffredinol, Newid Hinsawdd a Materion Gwledig
• Sioned Evans, Cyfarwyddwr Cyffredinol, Addysg, Diwylliant a'r Gymraeg
• Tim Moss, Prif Swyddog Gweithredu
• Judith Paget, Cyfarwyddwr Cyffredinol, Iechyd a Gwasanaethau Cymdeithasol
• Andrew Slade, Cyfarwyddwr Cyffredinol, yr Economi, Ynni a Thrafnidiaeth
• Nia James, Cyfarwyddwr Gwasanaethau Cyfreithiol
• Andrew Jeffreys, Cyfarwyddwr y Trysorlys (eitem 4)
• Emma Watkins, Dirprwy Gyfarwyddwr y Gyllideb a Busnes y Llywodraeth (eitem 4)

1.1 Cymeradwyodd y Cabinet gofnodion y cyfarfodydd a gynhaliwyd ar 3 a 10 Chwefror 2025.

Ysgrifennydd y Cabinet dros yr Economi, Ynni a Chynllunio

2.1 Diolchodd y Prif Weinidog i Ysgrifennydd y Cabinet dros yr Economi, Ynni a Chynllunio a oedd wedi cyhoeddi'n ddiweddar y byddai'n rhoi'r gorau iddi yn etholiad nesaf y Senedd.

Cyfarfodydd a digwyddiadau yn Llundain

2.2 Dywedodd y Prif Weinidog wrth y Cabinet ei bod wedi mynychu nifer o gyfarfodydd a digwyddiadau yn Llundain yr wythnos flaenorol.

2.3 Roedd y Prif Weinidog wedi cyfarfod â holl Lysgenhadon yr UE ddydd Mercher cyn eu hymweliad â Chymru ddechrau mis Ebrill.

2.4 Tra oedd y Prif Weinidog yn Llundain cwrddodd hefyd â Changhellor y Trysorlys.  Cafwyd cyfarfod hefyd gyda'r Ysgrifennydd Gwladol dros Drafnidiaeth, gan drafod tanariannu hanesyddol y rhwydwaith rheilffyrdd yng Nghymru.

Presenoldeb yn y Pwyllgor Materion Cymreig

2.5 Ddydd Mercher fe wnaeth y Prif Weinidog hefyd fynychu'r Pwyllgor Materion Cymreig i ddarparu tystiolaeth am ei blaenoriaethau, gwaith Llywodraeth Cymru a chysylltiadau rhynglywodraethol.

3.1 Ystyriodd y Cabinet grid y Cyfarfodydd Llawn a nododd y byddai Ysgrifennydd y Cabinet dros Gyfiawnder Cymdeithasol, y Trefnydd a'r Prif Chwip yn ateb cwestiynau ar ran y Cwnsler Cyffredinol a'r Gweinidog Cyflawni ddydd Mawrth, a oedd yn sâl. Cafwyd yr amser pleidleisio ei drefnu ar gyfer 6pm ddydd Mawrth a byddai'n digwydd tua 6:25pm ddydd Mercher.

4.1 Cyflwynodd Ysgrifennydd y Cabinet dros Gyllid a'r Gymraeg y papur, a ofynnodd i'r Cabinet gymeradwyo pecyn Cyllideb Derfynol 2025-26, gan gynnwys dyraniadau lefel MEG. Gofynnwyd i'r Cabinet hefyd gytuno ar y negeseuon allweddol i gefnogi'r Gyllideb a nodi'r camau nesaf wrth gwblhau'r dogfennau ategol.

4.2 Roedd newidiadau cyfyngedig o’r Gyllideb Ddrafft, yn rhannol gan nad oedd Trysorlys y DU eto wedi cadarnhau'r adnoddau ychwanegol y byddai'n eu darparu i ddiwallu effaith cynnydd mewn cyfraniadau yswiriant gwladol cyflogwyr ar y sector cyhoeddus.

4.3 Fodd bynnag, cynyddwyd rhai dyraniadau yn yr Ail Gyllideb Atodol i ymateb i danwariant yn ystod y flwyddyn sy'n dod i'r amlwg, gan sicrhau bod yr uchafswm yn cael ei gario ymlaen i'r flwyddyn ariannol nesaf. O'r £50 miliwn sy'n cael ei ddyrannu, byddai £18 miliwn yn cael ei ddefnyddio i gyflwyno gwariant cyfalaf mewn trafnidiaeth yn ogystal â sicrhau y gellid cynnal y llif o gynigion ar gyfer buddsoddi mewn teithio llesol yn y dyfodol. Yn ogystal, byddai £32 miliwn ar gyfer addysg, i gefnogi Safonau Ysgolion drwy Grant Addysg yr Awdurdod Lleol, ac yn benodol Prifysgolion.

4.4 Croesawodd y Cabinet yr adnoddau ychwanegol a amlinellir yn y papur, y rhan fwyaf ohonynt yn gysylltiedig â'r cytundeb gwleidyddol i alluogi'r basio'r Gyllideb.

4.5 Cymeradwyodd y Cabinet y papur a nododd y byddai'r Gyllideb Derfynol yn cael ei chyhoeddi ddydd Iau yr wythnos honno ac y byddai dadl yn cael ei chynnal arni ar 4 Mawrth.

Ysgrifenyddiaeth y Cabinet
Chwefror 2025