Cyfarfod y Cabinet: 15 Ebrill 2024
Cofnodion cyfarfod o'r Cabinet ar 15 Ebrill 2024.
Efallai na fydd y ffeil hon yn gyfan gwbl hygyrch.
Ar y dudalen hon
Yn bresennol
- Y Gwir Anrh. Vaughan Gething AS (Cadeirydd)
- Rebecca Evans AS
- Lesley Griffiths AS
- Huw Irranca-Davies AS
- Jane Hutt AS
- Julie James AS
- Jeremy Miles AS
- Eluned Morgan AS
- Lynne Neagle AS
- Mick Antoniw AS
- Hannah Blythyn AS
- Dawn Bowden AS
- Jane Bryant AS
Swyddogion
- Andrew Goodall, yr Ysgrifennydd Parhaol
- Rachel Garside-Jones, Cyfarwyddwr Dros Dro, Swyddfa'r Prif Weinidog
- Matthew Hall, Pennaeth Is-adran y Cabinet
- Toby Mason, Pennaeth Cyfathrebu Strategol
- Catrin Sully, Swyddfa’r Cabinet
- Alex Bevan, Cynghorydd Arbennig
- Madeleine Brindley, Cynghorydd Arbennig
- Sara Faye, Cynghorydd Arbennig
- Sam Hadley, Cynghorydd Arbennig
- David Hooson, Cynghorydd Arbennig
- Phillipa Marsden, Cynghorydd Arbennig
- Maddie Rees, Cynghorydd Arbennig
- Tom Woodward, Cynghorydd Arbennig
- Christopher W Morgan, Pennaeth Ysgrifenyddiaeth y Cabinet (cofnodion)
- Damian Roche, Ysgrifenyddiaeth y Cabinet
- Kathryn Hallett, Swyddfa’r Prif Weinidog
- Helena Bird, Swyddfa’r Ysgrifennydd Parhaol
- Nia James, Cyfarwyddwr Dros Dro, Gwasanaethau Cyfreithiol
- Tracey Burke, Cyfarwyddwr Cyffredinol, Newid Hinsawdd a Materion Gwledig
- Sioned Evans, Cyfarwyddwr Cyffredinol, Grŵp Gwasanaethau Cyhoeddus a'r Gymraeg
- Tim Moss, Prif Swyddog Gweithredu
- Judith Paget, Cyfarwyddwr Cyffredinol, Iechyd a Gwasanaethau Cymdeithasol
- Andrew Slade, Cyfarwyddwr Cyffredinol, yr Economi, y Trysorlys a’r Cyfansoddiad
Croesawodd y Prif Weinidog Ysgrifenyddion y Cabinet a Gweinidogion i'w gyfarfod cyntaf o'r Cabinet.
Eitem 1: Cofnodion y Cyfarfod blaenorol
1.1 Cymeradwyodd y Cabinet gofnodion 18 Mawrth.
Eitem 2: Eitemau’r Prif Weinidog
Cynhadledd i’r Wasg
2.1 Dywedodd y Prif Weinidog wrth y Cabinet ei fod wedi mynychu ei gynhadledd i'r wasg gyntaf y bore hwnnw yng Ngholeg Gwent yng Nglynebwy. Roedd y cwestiynau wedi canolbwyntio ar y gostyngiad mewn gwariant ar gyfer amgueddfeydd, a'r awgrym y gallai adeilad Amgueddfa Cymru yng Nghaerdydd gau.
2.2 Ar ymylon y gynhadledd i'r wasg, roedd y Prif Weinidog wedi cwrdd â myfyrwyr a oedd yn hapus ac yn gadarnhaol ynghylch y cyfleusterau a ddarperir yng Ngholeg Gwent.
Gwobrau Dewi Sant
2.3 Ar ddydd Iau'r wythnos flaenorol, roedd y Prif Weinidog wedi cynnal ei seremoni Gwobrau Dewi Sant gyntaf yng Ngholeg Brenhinol Cerdd a Drama Cymru, sef cyfle i ddathlu rhai o'r bobl fwyaf deallus a dewr o bob rhan o Gymru.
Datganiad Llafar: Blaenoriaethau'r Cabinet
2.4 Dywedodd y Prif Weinidog wrth y Cabinet y byddai'n rhoi Datganiad Llafar i'r Senedd ar Flaenoriaethau'r Llywodraeth y diwrnod canlynol.
Eitem 3: Busnes y Senedd
3.1 Ystyriodd y Cabinet gynnwys Grid y Cyfarfodydd Llawn, gan nodi bod amser pleidleisio wedi ei drefnu ar gyfer 5pm ddydd Mawrth a thua 6:25pm ddydd Mercher.
3.2 O ran busnes ddydd Mercher, roedd y Cabinet yn cydnabod yr angen i bleidleisio yn erbyn y Bil Addysg Awyr Agored Breswyl (Cymru). Roedd y Bil yn rhoi pwysau ariannol ychwanegol ar y Llywodraeth ac yn cyfeirio adnoddu i ffwrdd o'i rhaglen ddeddfwriaethol ei hunan, ac roedd hefyd yn ddiffygiol ac yn anymarferol.
Eitem 4: Blaenoriaethau'r Cabinet
4.1 Cyflwynodd y Prif Weinidog y papur, a oedd yn gofyn i'r Cabinet flaenoriaethu'r gwaith ymgysylltu y byddai angen ei wneud i nodi a chefnogi blaenoriaethau'r Llywodraeth.
4.2 Wedi degawd o gyni, roedd y Prif Weinidog yn pwysleisio'r angen i ganolbwyntio ar gyfres o flaenoriaethau craidd os yw'r Llywodraeth am lwyddo i gyflawni'r newidiadau cadarnhaol a blaengar yr ydym yn awyddus i'w gweld.
Ysgrifenyddiaeth y Cabinet
Ebrill 2024