Cyfarfod Panel Annibynnol Cymru ar Gydnabyddiaeth Ariannol: 14 Mawrth 2023
Crynodeb o funudau’r cyfarfod a chynhaliwyd ar 14 Mawrth 2023.
Efallai na fydd y ffeil hon yn gyfan gwbl hygyrch.
Ar y dudalen hon
Mynychwyr
Frances Duffy, Cadeirydd
Saz Willey, Is-gadeirydd
Bev Smith
Leighton Jones, Ysgrifenyddiaeth
Cyflwyniad
Gwnaeth Panel Annibynnol Cymru ar Gydnabyddiaeth Ariannol gyfarfod ar ddydd Mawrth 14 Mawrth.
Nod y cyfarfod oedd trafod y strategaeth ddrafft ar gyfer 2023 i 2025, cytuno ar y cynllun gwaith drafft ar gyfer blwyddyn ariannol 2023 i 2024, ac ystyried y gofrestr risgiau chwarterol. Dadansoddodd y panel hefyd ymholiadau a gafwyd ers cyhoeddi Adroddiad Blynyddol 2023.
Ceir crynodeb isod o drafodaethau a phenderfyniadau’r Panel.
Y strategaeth ar gyfer 2023 i 2025
Adolygodd y Panel ei strategaeth ddrafft ar gyfer y blynyddoedd o 2023 i 2025. Caiff y ddogfen derfynol a gymeradwywyd ei chyhoeddi ar y wefan a’i dosbarthu i’r holl rhanddeiliaid.
Cynllun gwaith ar gyfer 2023 i 2024
Ystyriodd y Panel y cynllun gwaith drafft ar gyfer y flwyddyn ariannol sydd i ddod gan wneud diwygiadau iddo. Caiff y cynllun gwaith ei adrodd yn erbyn pob mis, o’r cyfarfod nesaf ym mis Ebrill ymlaen.
Y Gofrestr Risgiau
Ystyriodd y Panel ei gofrestr risgiau ar gyfer y cyfnod chwarterol rhwng mis Ionawr a mis Mawrth. Adolygwyd y gofrestr i ystyried unrhyw risgiau a liniarwyd yn y cyfamser. Gofynnwyd i bob aelod o’r panel roi diweddariad ar risgiau a nodwyd drwy’r ddogfen gyfan. Caiff hon ei chymeradwyo yng nghyfarfod mis Ebrill.
Adroddiad Blynyddol 2023
Ystyriodd y Panel bapur ar yr ymholiadau a gafwyd ers cyhoeddi adroddiad blynyddol 2023. Argymhellodd y papur y dylai’r Panel gyhoeddi gohebiaeth i bob Cyngor Cymuned a Thref gan egluro’r pwyntiau a godwyd.
Unrhyw Fater Arall
Trafododd y Panel a chytunwyd ar ymateb cam tendro unigol gan Gomisiwn Ffiniau a Democratiaeth Leol Cymru (y Comisiwn). Fel rhan o’r ymateb hwn bydd y Comisiwn yn ystyried diweddaru cynnwys gwefan y Panel ac yn helpu i ddatblygu cynllun cyfathrebu ac ymgysylltu ar gyfer 2023 i 2025.
Y cyfarfod nesaf
Caiff cyfarfod nesaf Panel Annibynnol Cymru ar Gydnabyddiaeth Ariannol ei gynnal ddydd Mercher 26 Ebrill. Bydd y Panel yn cwblhau ei strategaeth gyfathrebu ac ymgysylltu ac yn trafod cydymffurfiaeth Cynghorau Cymuned a Thref.
Pe bai gennych unrhyw faterion yr hoffech eu codi â’r Panel, mae croeso i chi gysylltu â’r Ysgrifenyddiaeth drwy e-bostio IRPMailbox@llyw.cymru.