Cyfarfod o Grŵp Cyfeirio Rhanddeiliaid Cynllunio: 23 Tachwedd 2021

Eluned Jones, Phil Coates & Sarah Bound (Llywodraeth Cymru), Adrian Judd & Rachel Mulholland (Cefas), Mike Frost (Wood Group UK Ltd), Lucie Skates, Karen Perrow, Helen Bloomfield & Lee Murray (CNC), Emma Harrison (Ystadau’r Goron), Emily Williams & Claire Stephenson (RSPB), Kam Tang (Prifysgol Abertawe), Jetske Germing (PCF), Alys Morris, Katie Havard-Smith & Emma McKinley (Severn Estuary Partnership), Clare Trotman (MCS), Alex Curd (MMO), Dr Julian Whitewright (RCAHMW), Jim Evans (WFA), John Wrottesley (ESCA), Sarah Canning & Thomas Fey (JNCC), David Jones (Blue Gem Wind), Richard Hill (RYA), Mark Russell (Mineral Products Association).

Cawsom gan Sarah drosolwg lefel uchel o’r gofyn gan Lywodraeth Cymru bod angen caniatâd llafar neu ysgrifenedig aelodau i gael rhannu eu gwybodaeth bersonol (enw, cyfeiriad e-bost a sefydliad) â’r cwmni sy’n ennill y contract i ddatblygu SRAs. Rhoddodd yr aelodau eu caniatâd llafar i rannu eu gwybodaeth bersonol trwy ddefnyddio erfyn rhith-law y cyfarfod Teams.

Ym mis Medi 2021, cafodd Wood Group UK Ltd (Wood Group) eu comisiynu gan Lywodraeth Cymru i gynnal HRA ac SEA o’r Hysbysiad Cynllunio Morol ar gyfer SRA.

Cafwyd cyflwyniad gan Mike Frost, Cyfarwyddwr Technegol Wood Group ar y gwaith hwn.  Siaradodd am nodweddion MPN ar gyfer Ardal Adnoddau Strategol ac esbonio bod adolygiad cychwynnol Wood Group yn awgrymu y byddai’n rhesymol dod i’r casgliad “na fyddai effeithiau arwyddocaol”. Dyma’r rhesymau:

• nodweddion sylfaenol MPN
• bod SRA yn ddynodiad ‘diogelu’ niwtral
• profiad o gynnal HRAs mewn sectorau eraill (e.e. diogelu mwynau)

Cymeradwywyd cyflwyniad Mike gan nifer o’r aelodau.  Cadarnhaodd Eluned rôl yr SRAs, pe baent yn cael eu cyflwyno a sut y dylid eu rhoi ar waith.  Dywedodd hefyd y caiff canllawiau ar roi SRAs ar waith eu paratoi gyda chymorth aelodau. Gofynnodd i aelodau gyflwyno unrhyw ymholiadau trwy flwch e-bost Cynllunio Morol.

Mae Lee yn parhau i:

• gydweithio ag arbenigwyr technegol i chwilio am dystiolaeth berthnasol ac i ddatblygu a defnyddio methodolegau mapio;
• datblygu a chynnal modelau GIS i gynhyrchu mapiau o ystyriaethau amgylcheddol;
• nodi “llwybr effeithiau” ar gyfer sectorau a derbynyddion;
• ymgorffori setiau data newydd yn y mapiau;
• chwilio am astudiaethau achos sy’n ymdrin â chanlyniadau Rheolaeth Gynaliadwy ar Adnoddau Naturiol Morol (SMMNR);
• diweddaru’r sgoriau addasu “llwybrau effeithiau” ar gyfer pob sector; a
• rhoi cyngor ar ystyriaethau amgylcheddol ar gyfer agregau, tyrbinau gwynt arnofiol yn y môr a morlynnoedd llanw (adroddiad a mapiau).

Dywedodd Lee ei fod yn gobeithio cael trafod mapiau a setiau data GIS gydag aelodau a chlywed rhagor o’u hadborth yng nghyfarfod nesa’r SRG ar 17 Chwefror 2022.

Dywedodd Eluned y caiff yr adroddiad ffurfiol cyntaf yn adolygu effeithiolrwydd yr CMCC, ac yn ystyried hefyd cyfleoedd i ddatblygu cynlluniau morol ymhellach, ei roi gerbron Senedd Cymru erbyn Tachwedd 2022.  Mae Tîm Cynllunio Morol Llywodraeth Cymru wrthi’n dechrau ystyried sut i fynd ati i gynnal yr adolygiad.

Rhestrodd Eluned y gwaith sy’n cael ei wneud, sy’n rhoi cyd-destun i’r ystyriaethau hyn, ac yn cynnwys:

• Datblygu Ardaloedd Adnoddau Strategol – caiff contract i wneud y gwaith hwn ei roi ym mis Rhagfyr 2021;
• Canllawiau Lleoliadol ar gyfer Sectorau (SLG). Mae fersiwn derfynol o SLG Tonnau a Llanw wrthi’n cael ei baratoi. Mae SLG Dyframaeth wrthi’n cael ei ddrafftio;
• Gwaith CNC ar fapio ystyriaethau amgylcheddol, i adeiladu ar brosiect yr SMMNR;
• Mae’r amcanion a ddisgrifir yn CMCC yn rhoi mwy o sicrwydd i ddatblygwyr a defnyddwyr y môr;
• Astudiaeth Ddofn y Gweinidog o Ynni Adnewyddadwy; a
• Gwaith gan Defra i ystyried sut i bennu blaenoriaethau’r sector morol

Cawsom drosolwg gan Lucie o waith y 3-4 blynedd diwethaf ar ddatblygu dangosyddion. Esboniodd hefyd fod ail Arolwg o Ddefnyddwyr ar fin cael ei gyhoeddi yng Ngwanwyn 2022.

Gofynnodd Lucie i’r aelodau am unrhyw ganllawiau y mae eu sefydliad wedi’u paratoi neu y maent wedi’u cael, ynghyd ag unrhyw adborth ynghylch defnyddio polisïau CMCC.

Cafwyd trafodaethau am:

• asesiad amgylcheddol sy’n rhoi ystyriaeth ddigonol i bwnc adleoli
• gweithio gyda chymunedau i wireddu amcanion CMCC;
• cynyddu’r defnydd o wybodaeth sydd wedi’i chyhoeddi e.e. atlas RYA ar fynediad i’r arfordir a
• cyhoeddi rhagor o wybodaeth.

Awgrymodd fod trafodaeth fanwl am Fonitro ac Adrodd yn cael ei hychwanegu fel eitem at agenda cyfarfod nesa’r SRG.

CNC: Gallwch danysgrifio i daflen newyddion i randdeiliaid trwyddedau morol CNC ar WLBMRA@cyfoethnaturiolcymru.gov.uk

Dywedodd y Dr Julian Whitewright wrth aelodau fod Deddf Pysgodfeydd 2020 yn cynnwys agweddau ar warchod treftadaeth.  Mae’n gweithio gyda gweinyddiaethau eraill i greu diffiniad, a charai glywed barn aelodau trwy flwch e-bost Cynllunio Morol.

Cyfarfod nesaf: 17 Chwefror 2022 @ 2pm.

Ymholiadau at: marineplanning@gov.wales