Yn bresennol

  • Y Gwir Anrh Mark Drakeford AC
  • Jeremy Miles AC (Cadeirydd)
  • Lesley Griffiths AC
  • Kirsty Williams AC
  • Ken Skates AC
  • Eluned Morgan AC
  • Rebecca Evans AC
  • Julie James AC
  • Vaughan Gething AC
  • Dafydd Elis-Thomas AC
  • Jane Hutt AC
  • Des Clifford – Cyfarwyddwr Cyffredinol, Swyddfa'r Prif Weinidog
  • Piers Bisson – Cyfarwyddwr, Trefniadau Pontio Ewropeaidd
  • Simon Brindle – Cyfarwyddwr, Strategaeth Brexit
  • Carys Evans – Prif Ysgrifennydd Preifat y Prif Weinidog
  • Gareth Williams – Cynghorydd Arbennig
  • Tom Woodward – Cynghorydd Arbennig
  • Andrew Johnson – Cynghorydd Arbennig
  • Jane Runeckles – Cynghorydd Arbennig
  • Madeleine Brindley – Cynghorydd Arbennig
  • Alex Bevan – Cynghorydd Arbennig
  • Damian Roche – Ysgrifenyddiaeth y Cabinet, y Cyfarfod Llawn a'r Pwyllgorau (cofnodion)
  • Sophie Jones – Ysgrifenyddiaeth y Cabinet (cofnodion)
  • Georgina Haarhoff – Dirprwy Gyfarwyddwr, Polisi Brexit
  • Bill MacDonald – Pennaeth Polisi Cyllid Brexit
  • Rhys Davies – Gwasanaethau Cyfreithiol
  • Joe Champion – Polisi Cyllid Brexit

Eitem 1: Cronfa Bontio'r UE (Haen 3)

1.1. Cyflwynodd y Cwnsler Cyffredinol a'r Gweinidog Brexit y papur, a oedd yn gofyn i Is-bwyllgor y Cabinet ystyried a chymeradwyo'r cynigion ar gyfer haen 3 o Gronfa Bontio'r UE.

1.2. Roedd y Gweinidog Cyllid a’r Trefnydd wedi cyfarfod â'r Cwnsler Cyffredinol a'r Gweinidog Brexit i drafod prosiectau a amlinellwyd yn y papur, a croesawodd y gwaith a oedd wedi'i wneud gan swyddogion Trefniadau Pontio Ewropeaidd i ddatblygu cynigion ymhellach i fod yn gynigion y gellid eu hariannu.

1.3. Nododd yr Is-bwyllgor y cymysgedd o brosiectau.

1.4. Cytunodd yr Is-bwyllgor y dylid rhoi cyllid ar adegau pan fyddai ei fwyaf angen er mwyn gallu gwneud gwahaniaeth i bobl Cymru. Dylai’r adrannau arweiniol ar draws Llywodraeth Cymru barhau â gwaith i gyflenwi’r prosiectau hyn ar fyrder felly.

1.5. Cydnabuwyd bod adroddiadau monitro ar draws y llywodraeth ar effaith yr ymyriadau gwariant arfaethedig hyn yn ddefnyddiol i fesur yr effaith ar draws adrannau a nodwyd rhai mentrau ar y cyd o ganlyniad i hyn, fel y gwaith i fynd i'r afael â throseaddu casineb mewn ysgolion.

1.6. Dywedwyd bod prosiectau gwariant yn mynd i gael eu monitro drwy'r datganiadau chwarterol adrannol arferol. Byddai diweddariad yn cael ei roi i'r Is-bwyllgor ddechrau'r hydref i gadarnhau pryd yr oedd prosiectau wedi cael eu rhoi ar waith.

1.7. Diolchodd y Cwnsler Cyffredinol i'r swyddogion am eu gwaith yn llunio'r cynigion.

1.8. Cymeradwyodd yr Is-bwyllgor y pecyn arfaethedig a chytuno i neilltuo cyllid cyn gynted â phosibl, gan sicrhau bod y negeseuon yn cael eu cydlynu gyda chyfeiriad at Dîm y Trefniadau Pontio Ewropeaidd er mwyn sicrhau cyn gymaint o effaith a sylw â phosibl.

Ysgrifenyddiaeth y Cabinet
Gorffennaf 2019