Cydnabod a chofnodi cynnydd a chyflawniad (RARPA): canllawiau ar gyfer colegau addysg bellach

Mae cydnabod a chofnodi cynnydd a chyflawniad (RARPA) yn fodd o fesur cynnydd dysgwyr. Mae'n caniatáu i ymarferwyr asesu dysgwyr ar gyrsiau nad ydynt yn gysylltiedig â chymwysterau traddodiadol. Mae'n ddull defnyddiol ar gyfer asesu dysgwyr ag anghenion dysgu ychwanegol sydd yn aml yn dilyn rhaglenni wedi'u personoli nad ydynt yn gysylltiedig â chymwysterau allanol.

Mae RARPA hefyd yn darparu tystiolaeth i lywio prosesau hunanwerthuso colegau.

Mae canllawiau RARPA ar gael ar wefan Natspec. Maent wedi'u hanelu at golegau addysg bellach Cymru sy'n darparu ar gyfer dysgwyr ag anghenion dysgu ychwanegol. 

Mae'r canllawiau'n egluro'r cysylltiadau rhwng:

• RARPA
• Cynlluniau Datblygu Unigol
• Fframwaith arolygu Estyn

Mae'r wefan hefyd yn cynnwys dolenni i:

• adnoddau 
• cyrsiau hyfforddi 
• offerynnau meddwl sy'n canolbwyntio ar yr unigolyn