Crynodeb perfformiad a gweithgaredd y GIG: Chwefror a Mawrth 2020

Galwadau brys (gwasanaeth ambiwlans)

Ym mis Mawrth 2020, roedd 37,568 o alwadau brys i’r gwasanaeth ambiwlans. O’r rhain, roedd 2,620 yn y categori mwyaf difrifol (coch).

Ar gyfartaledd roedd 1,252 o alwadau brys y dydd, i fyny o 1,241 yn Chwefror 2020.

Ar gyfartaledd, cafwyd 87 o alwadau coch bob dydd ym mis Mawrth, i fyny o 76 ym mis Chwefror ac i fyny o 67 yn Chwefror 2020.

Mae’n ymddangos bod addasu’r arferion trin galwadau ym mis Mai 2019 wedi arwain at wahaniaethau yn nifer y galwadau coch. Felly, nid yw’n bosibl cymharu niferoedd digwyddiadau coch cyn hyn. 

Nifer y bobl sy’n mynd i adrannau Damweiniau ac Achosion Brys a’r nifer sy’n cael eu derbyn i Ysbyty

Mae data ar gyfer mis Mawrth yn debyg wedi eu heffeithio gan newidiadau mewn ymddygiadau a mesurau arwahanu oherwydd yr argyfwng coronafeirws (COVID-19).

Ar gyfartaledd, roedd 2,037 o dderbyniadau i adrannau Damweiniau ac Achosion Brys bob dydd ym mis Hydref. Mae hyn yn:

•  24.4% yn is nag yn Chwefror 2020 (657 y dydd yn llai ar gyfartaledd)
• 29.3% yn is nag ym mis Mawrth 2019 (843 y dydd yn llai ar gyfartaledd)

Cyfanswm nifer y derbyniadau i adrannau Damweiniau ac Achosion Brys yn ystod y flwyddyn hyd at fis Mawrth 2020 yw 1,043,500. Mae hyn yn:

• 0.7% yn is na’r flwyddyn flaenorol (yn y flwyddyn a ddaeth i ben ym Mawrth 2019)
• 6.3% yn uwch na’r cyfnod 12 mis cyfatebol 5 mlynedd yn ôl (yn y flwyddyn a ddaeth i ben ym Mawrth 2015)

Ym mis Mawrth, derbyniwyd 13,131 o gleifion i’r un ysbyty neu i ysbyty gwahanol ar ôl bod mewn adran Damweiniau ac Achosion Brys. Mae hyn yn:

• 2,237 yn llai na’r mis blaenorol (Chwefror 2020)
• 4,089 llai na’r mis cyfatebol flwyddyn yn ôl (Mawrth 2019)

Cleifion sy’n dechrau triniaeth am ganser sydd wedi’u hatgyfeirio drwy’r llwybr brys ar gyfer achosion ag amheuaeth o ganser

Yn ystod y 12 mis hyd at Chwefror 2020, roedd 8,232 o gleifion a oedd newydd gael diagnosis o ganser wedi dechrau ar eu triniaeth drwy’r llwybr brys ar gyfer achosion ag amheuaeth o ganser. Mae hyn yn:

• cynnydd o 0.7% (61 o gleifion) dros y 12 mis blaenorol (yn y flwyddyn a ddaeth i ben yn Chwefror 2019)
• cynnydd o 24.7% (1,631 o gleifion) o’r un cyfnod 5 mlynedd yn ôl (blwyddyn a ddaeth i ben yn Chwefror 2015)

Cleifion sy’n dechrau triniaeth am ganser nad oeddent wedi’u hatgyfeirio drwy’r llwybr brys ar gyfer achosion ag amheuaeth o ganser

Yn ystod y 12 mis hyd at Chwefror 2020, roedd 9,042 o gleifion a oedd newydd gael diagnosis o ganser wedi dechrau ar eu triniaeth heb gael eu hatgyfeirio drwy’r llwybr brys ar gyfer achosion ag amheuaeth o ganser. Mae hyn yn:

• gostyngiad o 4.0% (378 o gleifion) dros y 12 mis blaenorol (yn y flwyddyn a ddaeth i ben yn Chwefror 2019)
• gostyngiad o 5.6% (538 o gleifion) o’r un cyfnod 5 mlynedd yn ôl (yn y flwyddyn a ddaeth i ben yn Chwefror 2015)

Un llwybr canser

Cyfrifir cleifion ar y llwybrau brys a’r rheini nad ydynt ar y llwybrau brys, yn ogystal â’r un llwybr canser.

Mae’r ystadegau arbrofol ar gyfer yr un llwybr canser yn dangos bod 12,452 o gleifion wedi dod ar y llwybr yma yn Chwefror 2020. Mae hyn yn gostyngiad o 9.5% (1,301 o gleifion) ers Ionawr 2020.

Ym mis Chwefror 2020, cafodd 1,381 o gleifion a oedd newydd gael diagnosis o ganser eu trin drwy’r un llwybr canser. Mae hyn yn gostyngiad o 7.0% (104 o gleifion) ers Ionawr 2020.

Tarwch olwg ar gyhoeddiadau’r mis blaenorol am yr wybodaeth ansawdd lawn a’r nodiadau sy’n berthnasol i’r data hyn.

Ystadegydd: Rhys Strafford
Llinell Ymholiadau Cyffredinol
Ffôn: 0300 025 5050
E-bost: ystadegau.iechyd@llyw.cymru

Cyfryngau: 0300 025 8099

SFR 32/2020