Neidio i'r prif gynnwy

1. Crynodeb

Taliadau Cymorth mewn Argyfwng: coronafeirws

Rhwng 1 Mai 2020 a 31 Mawrth 2021, byddwn yn trin ceisiadau coronafeirws gyda mwy o hyblygrwydd a disgresiwn.

Mae'r Gronfa Cymorth Dewisol yn cynnig dau grant gwahanol nad oes angen i chi eu talu yn ôl.

Taliadau Cymorth mewn Argyfwng (EAP)

Grant i helpu â chostau hanfodol, megis bwyd, nwy, trydan neu ddillad ar ôl argyfwng.

Gallwch wneud cais am grant os ydych:

  • wedi colli eich swydd
  • wedi cael llifogydd neu dân yn eich cartref
  • wedi gwneud cais am fudd-daliadau ac yn aros am eich taliad cyntaf
  • yn wynebu caledi ariannol

Beth y gallwch ddefnyddio'r grant ar ei gyfer

Gallwch ddefnyddio'r grant i dalu am y canlynol:

  • bwyd
  • nwy
  • trydan
  • dillad
  • teithio mewn achos o argyfwng

Ni allwch ei ddefnyddio i dalu biliau parhaus nad ydych yn gallu fforddio eu talu.

Taliadau Cymorth i Unigolion (IAP)

Grant i’ch helpu chi, neu rywun yr ydych yn rhoi gofal iddo, i fyw'n annibynnol yn ei gartref neu eiddo yr ydych chi neu'r unigolyn yn symud iddo.

Beth y gallwch ddefnyddio'r grant ar ei gyfer

Gellir defnyddio’r grant hwn i gael:

  • oergell, popty neu beiriant golchi a 'nwyddau gwyn' eraill
  • dodrefn i'r cartref megis gwelyau, soffas a chadeiriau

Rhannu’r dudalen hon