Creu dolenni o fewn brawddegau (mewnol)

Dylech ddefnyddio dolenni mewnol i wneud y canlynol:

• creu dolenni at gynnwys mewnol neu allanol sydd â chysylltiad agos ag anghenion y defnyddiwr

Ymgorffori dolenni mewnol perthnasol

Pan fyddwch yn ymgorffori dolenni mewnol yn eich cynnwys, dylech:

• sicrhau bod yr holl ddolenni'n cael eu darparu ar y pwynt pan fyddant fwyaf defnyddiol
• osgoi drysu defnyddwyr gyda gormod o ddolenni
• dolenni at wasanaethau ar-lein yn gyntaf, oni bai bod dewis all-lein yn well i'ch defnyddwyr
• dim ond creu dolenni i wefannau eraill lle y bo'n briodol

Ysgrifennu testun dolenni mewnol

Pan fyddwch yn ysgrifennu testun dolenni mewnol, dylai:

• fod yn ddisgrifiadol a gwneud synnwyr ar ei ben ei hun, er enghraifft 'gwnewch gais am bàs bws' nid 'cliciwch yma'
• bod yn llawn termau perthnasol
• bod yn hawdd ei ddewis; gall dolen un gair fod yn anodd ei ddewis
• peidio â chael ei ddefnyddio mwy nag unwaith i fynd i wahanol fannau
• ar gyfer dolenni sy'n mynd at wybodaeth, dylai enwi'r wybodaeth honno
• ar gyfer dolenni sy'n mynd at dudalennau lle gall defnyddiwr ddechrau ar dasg, dechreuwch gyda berf
• gwneud yn glir bod defnyddwyr yn gadael LLYW.CYMRU

Dolenni mewnol at wybodaeth

Mae'r wybodaeth ar LLYW.CYMRU:

• mae'r fframwaith nyrsio ysgolion yn egluro rôl nyrsys ysgol mewn ysgolion cynradd ac uwchradd

Nid yw'r wybodaeth ar LLYW.CYMRU:

• gallwch ddod o hyd i gyngor ar gynilo am flaendal gyda'r Helpwr Arian

Dolenni mewnol at dasgau

Mae'r dasg ar LLYW.CYMRU:

• i gael teithio ar fysiau am ddim gwnewch gais am bàs bws

Nid yw'r dasg ar LLYW.CYMRU:

• i gael teithio ar fysiau am ddim gwnewch gais am bàs bws ar wefan Trafnidiaeth Cymru 

Gwirio dolen

Rhaid ichi agor a gwirio pob dolen yn y teclyn dolenni. Rhaid i ddolenni at dudalennau eraill ar LLYW.CYMRU edrych yn debyg i /node/20648 ac ni ddylent ond dechrau ag https:// os ydynt yn ddolen at angor ar dudalen arall.

Creu dolen fewnol

1. amlygu testun y ddolen
2. dewis eicon y ddolen
3. dechrau teipio teitl y dudalen (neu ludo’r teitl llawn) yn y maes URL a bydd y rhestr awtogwblhau yn ymddangos
4. dewis y dudalen fewnol yr hoffech greu dolen ati
5. dewiswch Arbed (eicon tic)

Bydd hyn yn creu dolen sy’n ymddangos yn debyg i /node/20648. Mae hyn yn golygu y bydd y ddolen yn cael ei diweddaru os bydd URL tudalen y gyrchfan yn newid.

Creu dolen allanol neu ddolen at angor ar dudalen arall

1. amlygu testun y ddolen
2. dewis yr eicon y ddolen
3. gludo’r URL llawn yn y maes URL
4. os ydych yn creu dolen at angor, cynnwys # ac yna ID neu enw’r angor
5. dewiswch Arbed (eicon tic)

Creu angor a chreu dolen at angor ar yr un dudalen

I greu angor, dylech:

1. roi’r cyrchwr ar ddechrau’r testun lle’r hoffech i’r angor fod
2. dewis yr eicon baner
3. rhoi enw unigryw i’r angor heb unrhyw fylchau na nodau arbennig
4. dewiswch Arbed (eicon tic)

Dolen at angor:

1. amlygu y testun fydd yn cysylltu i’r angor
2. dewis yr eicon dolen
3. yn URL y Ddolen teipiwch # ac yna enw’r angor (peidiwch â’u gwahanu gyda bwlch)
4. dewiswch Arbed (eicon tic)