Mae'n rhaid i arolygwyr adeiladu sy'n gweithredu yng Nghymru fod wedi cofrestru a thrwyddedu i wneud eu gwaith.
Cynnwys
Mae'r Rheoleiddiwr Diogelwch Adeiladu yn ymdrin â chofrestru a thrwyddedu arolygwyr adeiladu
Beth sydd wedi newid
Cyflwynodd Deddf Diogelwch Adeiladu 2022 ofynion newydd ynghylch cofrestru a thrwyddedu ar gyfer arolygwyr adeiladu. Y term newydd ar gyfer y proffesiwn hwn yw Arolygydd Cofrestredig Adeiladu (RBI). Gweinidogion Cymru yw’r awdurdod rheoleiddio ar gyfer RBIs o dan adran 58A y Ddeddf Adeiladu 1984 ond maent wedi penodi'r Rheoleiddiwr Diogelwch Adeiladu (BSR) i oruchwylio a gorfodi gofynion newydd o'r ddeddfwriaeth hon.
O 6 Ebrill 2024 ymlaen, rhaid i bob unigolyn sy'n gweithredu fel arolygwyr adeiladu fod wedi cofrestru gyda'r BSR a'u trwyddedu fel Arolygwyr Cofrestredig Adeiladu neu ni fyddwch yn gallu gwneud gwaith newydd.
Beth mae'r BSR yn ei wneud
Mae'n rhaid i chi gofrestru gyda'r Rheoleiddiwr Diogelwch Adeiladu i gynnal gweithgareddau a reoleiddir gan BSR (er enghraifft, asesu cynlluniau ac archwilio). Mae hyn yn cynnwys pob adeilad o adeiladau domestig i strwythurau cymhleth, risg uchel, aml-ddefnydd.
Mae’re BSR yn cyhoeddi Cofrestr o arolygwyr adeiladu ar gov.uk. Bydd y gofrestr yn cynnwys eich enw, eich cyflogwr, a manylion am weithgareddau a reoleiddir gan BSR rydych wedi cofrestru i'w gwneud. Bydd canllawiau yn y cais yn dweud wrthych pa fanylion fydd yn cael eu cyhoeddi.
Bydd eich cofrestriad yn ddilys am 4 blynedd, oni bai ei fod yn amrywiol neu wedi'i ganslo. Os byddwch yn cofrestru cyn 1 Ebrill 2024, mae'r 4 blynedd yn dechrau o'r 1 Ebrill 2024.
Beth fydd ei angen arnoch i gofrestru
I gofrestru, bydd angen i chi ddarparu gwybodaeth am:
- chi eich hun, fel enw, cyfeiriad, e-bost a rhif ffôn
- dosbarth arolygydd adeiladu rydych chi'n gwneud cais i gofrestru ar ei gyfer
- manylion eich asesiad cymhwysedd cymeradwy
- elodaeth o gyrff proffesiynol perthnasol
- eich statws cyflogaeth
Gofynnir i chi gadarnhau hefyd y byddwch yn cydymffurfio â'r Cod Ymddygiad ar gyfer Arolygydd Adeiladu Cofrestredig.
Codir tâl o £336 am bob cofrestriad, ynghyd â £216 o gynhaliaeth flynyddol sy'n daladwy o ben-blwydd cyntaf eich cofrestriad. Ceir cofrestru am uchafswm o 4 blynedd.
Cyn i chi ddechrau
Darganfod mwy am rôl arolygwyr adeiladu o dan y Ddeddf Diogelwch Adeiladu 2022. Mae'r canllawiau'n dweud wrthych:
- Sut i benderfynu pa ddosbarth y byddwch yn cofrestru ar ei gyfer
- defnyddio cynllun awdurdodedig i ardystio eich cymhwysedd, oni bai eich bod yn cofrestru fel arolygydd adeiladu dosbarth 1
- Sut i gofrestru fel arolygydd adeiladu