Cludiant môr: 2020

Mae’r ystadegau hyn yn ymwneud â blwyddyn galendr 2020. Effeithiwyd ar y cyfnod hwn gan bandemig y y coronafeirws (COVID-19) a chan y cyfnod yn arwain at ymadael â’r UE.

Prif bwyntiau

• Gwelwyd gostyngiad o 3.2% yng nghyfanswm pwysau’r nwyddau a gludwyd trwy borthladdoedd Cymru yn 2020 i 51.3 miliwn tunnell.

Image

• O gyfanswm y nwyddau a gludwyd trwy brif borthladdoedd Cymru, roedd 87.0% yn nwyddau tramor gyda 74.8% yn fewnforion. Roedd y rhan fwyaf o fewnforion ac allforion tramor yn gynnyrch swmpus gan gynnwys olew crai, cynhyrchion olew, nwy hylif a mwynau.
• Porthladdoedd Cymru yw’r porth rhwng Gweriniaeth Iwerddon a gweddill Ewrop.  Gwnaeth dros 80%, cyfwerth â 0.5Mt, o’r nwyddau a gludwyd rhwng Gweriniaeth Iwerddon ac Ewrop ar gerbydau nwyddau trwm oedd wedi eu cofrestru yng Ngweriniaeth Iwerddon fynd trwy borthladdoedd Cymru. Aeth 72.5% o gyfanswm y pwysau trwy borthladd Caergybi.
• Dros y tymor hir, mae nifer y bobl sy’n teithio ar y môr rhwng Gweriniaeth Iwerddon a Chymru wedi gostwng.  Gwelwyd 60.3% o ostyngiad yn y traffig teithwyr môr yn 2020 o’i gymharu â 2019.