Cludiant môr: 2019

Mae’r ystadegau hyn yn ymwneud â blwyddyn galendr 2019, oedd cyn pandemaig y coronafeirws (COVID-19).

Prif bwyntiau

• Gwelwyd gostyngiad o 7.7% yng nghyfanswm pwysau’r nwyddau a gludwyd trwy borthladdoedd Cymru yn 2019 i 52.9 miliwn tunnell o’i gymharu â 2018.

Image

• O gyfanswm y nwyddau a gludwyd trwy brif borthladdoedd Cymru, roedd 88.7% yn nwyddau tramor gyda 66.0% yn fewnforion tramor. Roedd y rhan fwyaf o fewnforion ac allforion tramor yn gynnyrch swmpus gan gynnwys olew crai, cynhyrchion olew, nwy hylif a mwynau.
• Porthladdoedd Cymru yw’r porth rhwng Gweriniaeth Iwerddon a gweddill Ewrop.  Gwnaeth bron i dri chwarter (0.4 Mt) o’r nwyddau a gludwyd rhwng Gweriniaeth Iwerddon ac Ewrop ar gerbydau nwyddau trwm oedd wedi eu cofrestru yng Ngweriniaeth Iwerddon fynd trwy borthladdoedd Cymru. Aeth 70.2% o ran pwysau trwy borthladd Caergybi.
• Dros y tymor hir, mae nifer y bobl sy’n teithio ar y môr rhwng Gweriniaeth Iwerddon a Chymru wedi gostwng. Gwnaeth 77.0% o’r teithwyr a deithiodd rhwng Gweriniaeth Iwerddon a Chymru yn 2019 ddefnyddio’r gwasanaeth rhwng Caergybi a Dulyn.