Ym mis Chwefror, derbyniodd Llywodraeth Cymru argymhellion gan Gomisiynydd Cenedlaethau'r Dyfodol a phanel o arbenigwyr caffael sy'n cefnogi gwaith ar yr Economi Sylfaenol yng Nghymru, gan nodi'r angen am ganolfan ragoriaeth ym maes caffael.
Yn dilyn ymarfer caffael, penodwyd Upside Projects Ltd (Upside) fel cyflenwr i gynnal ymarfer darganfod, gan archwilio argymhellion y ganolfan ragoriaeth yn fanylach.
Mae tîm y prosiect yn awyddus i sicrhau bod yr adolygiad yn cael ei lywio gan wybodaeth sampl eang o randdeiliaid. Hoffem glywed eich barn a'ch syniadau chi am briodoldeb y ganolfan ragoriaeth, gan gynnwys y gwasanaethau posibl y gallai’r ganolfan ragoriaeth eu cynnig.
Os hoffech gymryd rhan, e-bostiwch: CaffaelMasnachol.DigidolDataTGCh@llyw.cymru