Canlyniadau arholiadau: Medi 2017 i Awst 2018

Mae hwn yn darparu canlyniadau cynnar ar gyfer arholiadau allanol gan ddisgyblion ym mlwyddyn 11 (Cyfnod Allweddol 4) neu ddisgyblion 17 oed ar ddechrau’r flwyddyn academaidd mewn ysgolion yng Nghymru yn 2017/18, yn ogystal â data terfynol ar gyfer blynyddoedd cynt. Mae’r datganiad yma yn diweddaru'r ystadegau a gyhoeddwyd ar 4 Hydref 2018.

Yn dilyn argymhellion gan adolygiadau annibynnol a newidiadau polisi a gyhoeddwyd gan Lywodraeth Cymru, gweithredwyd nifer o newidiadau allweddol i ddata mesur perfformiad Cyfnod Allweddol 4 yn y blynyddoedd diweddar sy'n effeithio ar gymariaethau dros amser. Felly, dylid gwneud y fath gymariaethau gyda rhybudd. Gwelwch y datganiad a’r nodiadau cysylltiedig am fwy o wybodaeth.

Disgyblion ym mlwyddyn 11

• Cyflawnodd 55.1% o ddisgyblion ym mlwyddyn 11 y trothwy cynwysedig lefel 2 (Lefel 2 gan gynnwys gradd A*i C yn Saesneg neu Gymraeg Iaith gyntaf a Mathemateg), i fyny o 54.6% y flwyddyn ddiwethaf.
• 349.5 oedd y sgôr pwyntiau 9 wedi’i gapio.
• Cyflawnodd 29.5% o ddisgyblion sy’n gymwys am PYD y trothwy cynwysedig lefel 2.
• Cyflawnodd 63.6% o ddisgyblion A* i C ym Mathemateg neu Rhiffedd (y gorau o).
• Cyflawnodd 64.9% o ddisgyblion A*i C yn unai Saesneg neu Gymraeg Iaith Gyntaf.
• Cyflawnodd 18.0% o ddisgyblon o leiaf 5 gradd A* i A.

Disgyblion 17 oed

• Enillodd 97.6% o’r disgyblion a gofrestrwyd ar gyfer 2 Safon Uwch neu gyfwerth y trothwy Lefel 3.
• 740.1 oedd y sgôr pwyntiau cyfartalog eang.
• Cyflawnodd 57.9% o’r disgyblion a gofrestrwyd ar gyfer 2 Safon Uwch neu gyfwerth 3 neu fwy gradd A*i C.