Yn y canllaw hwn
2. Pympiau gwres ffynhonnell daear: pympiau gwres (annomestig)
Gosod pwmp gwres o’r ddaear ar diroedd adeilad annomestig
Rhaid cadw at yr holl amodau a ganlyn:
- pan na fydd eu hangen bellach ar gyfer microgynhyrchu, dylai pympiau gael eu symud cyn gynted â phosibl a dylai'r tir, i’r graddau y bo hynny’n rhesymol ymarferol, gael ei adfer i'w gyflwr cyn i'r datblygiad ddigwydd, neu i gyflwr y cytunwyd arno'n ysgrifenedig rhwng yr awdurdod cynllunio lleol a'r datblygwr
- ni ddylai cyfanswm arwynebedd y cloddio fod yn fwy na 0.5 hectar
- dim ond un pwmp gwres o’r ddaear y dylid ei gael o fewn y cwrtil
- ni ddylai’r system fedru cynhyrchu mwy na 45kW o wres.
Bydd angen cael caniatâd cynllunio er mwyn gosod pwmp gwres o’r ddaear o fewn cwrtil adeilad rhestredig, neu ar safle a ddynodwyd yn heneb gofrestredig.