Sut y bydd y rheoliadau arfaethedig, Rheoliadau Gwasanaethau Iechyd (Y Gyfundrefn Dethol Darparwyr) (Cymru) yn gymwys i drefniant gwasanaethau iechyd o dan Gyfundrefn Dethol Darparwyr Cymru.
Dogfennau
Manylion
Y diweddaraf
Cafodd y rheoliadau drafft, Rheoliadau Gwasanaethau Iechyd (Y Gyfundrefn Dethol Darparwyr) (Cymru) 2024, a osodwyd gerbron y Senedd ar 13 Awst, eu tynnu'n ôl ar 19 Medi 2024.
Mae drafft diwygiedig o'r rheoliadau bellach wedi'i osod gerbron y Senedd.
Yn amodol ar gytundeb y Senedd, bydd y rheoliadau drafft, Rheoliadau Gwasanaethau Iechyd (Y Gyfundrefn Dethol Darparwyr) (Cymru) 2025, yn dod i rym ar 24 Chwefror 2025.
Ceir rhagor o fanylion yn y datganiad ysgrifenedig. Hefyd, mae'r asesiad effaith integredig o'r Rheoliadau Gwasanaethau Iechyd (Y Gyfundrefn Dethol Darparwyr) (Cymru) 2025.
Gellir gweld y rheoliadau drafft diwygiedig ar wefan y Senedd ac maent yn cynnwys y darpariaethau newydd canlynol:
- gofyniad i awdurdodau perthnasol gyhoeddi hysbysiad o fwriad i ddyfarnu contract, a chadw at gyfnod segur o 8 diwrnod gwaith, o dan broses dyfarniad uniongyrchol 1 (rheoliad 8)
- gofyniad i awdurdodau perthnasol gyhoeddi hysbysiad pan ddyfernir contractau o dan gytundeb fframwaith un darparwr (rheoliad 19)
- gofyniad i awdurdodau perthnasol gadw at gyfnod segur o 8 diwrnod gwaith ar gyfer contractau a ddyfernir o dan gytundeb fframwaith wedi'i gwblhau, gyda chystadleuaeth (rheoliad 20) a heb gystadleuaeth (rheoliad 21)
- y gallu i eithrio awdurdodau perthnasol o gyhoeddi gwybodaeth fasnachol sensitif o dan amgylchiadau penodol (rheoliad 23)
Mae'r canllawiau statudol presennol a'r deunyddiau hyfforddi i gyd-fynd â'r rheoliadau wrthi'n cael eu diweddaru yn sgil y newidiadau. Wrth edrych ar y dogfennau hyn dylai rhanddeiliaid hefyd gyfeirio at y rheoliadau drafft diwygiedig ar wefan y Senedd.
Bydd fersiynau diwygiedig o'r canllawiau statudol a'r deunyddiau hyfforddi ar gael yn fuan.
Bydd y rheoliadau arfaethedig, Rheoliadau Gwasanaethau Iechyd (Y Gyfundrefn Dethol Darparwyr) (Cymru) yn ddarostyngedig i gytundeb y Senedd.
Rydym wedi cyhoeddi'r canllawiau drafft i helpu cyrff cyhoeddus i baratoi ar gyfer y gyfundrefn arfaethedig, Cyfundrefn Dethol Darparwyr Cymru. Mae'r canllawiau yn amodol hyd nes y bydd y rheoliadau'n dod yn gyfraith maes o law.
Byddwn yn adolygu ac yn diweddaru'r canllawiau o bryd i'w gilydd ac ar ôl i'r Senedd gymeradwyo'r rheoliadau.
Hyfforddiant
Rydym wedi datblygu hyfforddiant gyda GIG Cymru i helpu i weithredu'r gyfundrefn arfaethedig, Cyfundrefn Dethol Darparwyr Cymru.
Mae'r hyfforddiant ar gael yn rhad ac am ddim yn Dysgu@Cymru ar ôl ichi gofrestru.
Ar ffurf ddrafft mae'r hyfforddiant a bydd yn cael ei adolygu ar ôl i'r Senedd gymeradwyo'r rheoliadau.