Neidio i'r prif gynnwy

Gallwn ni eich helpu os oes angen mwy o gymorth arnoch gyda threthi rydym ni’n eu rheoli yn Awdurdod Cyllid Cymru, megis Treth Trafodiadau Tir.

Cyhoeddwyd gyntaf:
8 Chwefror 2021
Diweddarwyd ddiwethaf:

Ar gyfer ymholiadau syml, gallwch gysylltu â ni.

Dylech hefyd gysylltu â ni os ydych:

  • yn ei chael hi'n anodd talu treth ar amser
  • yn anghytuno â phenderfyniad treth
  • angen cymorth ychwanegol er mwyn cael mynediad at ein gwasanaethau, er enghraifft oherwydd anabledd

Ar gyfer ymholiadau cymhleth, efallai y byddwn yn gofyn i chi gwblhau ein ffurflen gyswllt ar-lein. Os ydych yn ei chael hi'n anodd gwneud hyn, dywedwch wrthym pan fyddwch yn cysylltu â ni. Byddwn yn dod o hyd i ffordd arall o'ch helpu.

Cymorth i lenwi ffurflenni

Gallwn eich helpu i lenwi ein ffurflenni os yw hyn yn anodd i chi. Cysylltwch â ni a dywedwch wrthym pa gymorth sydd ei angen arnoch er mwyn llenwi ffurflen.

Gwybodaeth mewn fformat gwahanol

Gall ein desg gymorth helpu os oes angen rhywbeth mewn fformat gwahanol arnoch, fel ffurflen neu ein canllawiau. Cysylltwch â ni os oes arnoch angen fformat gwahanol, fel print bras.

Anhawster ffeilio neu dalu'n brydlon

Os na allwch ffeilio neu dalu eich treth i ni ar amser oherwydd eich amgylchiadau, dywedwch wrthym cyn gynted â phosibl, a chyn i'r ffurflen dreth neu’r taliad fod yn ddyledus.

Efallai y gallwn ystyried mwy o amser i dalu mewn amgylchiadau eithriadol, er enghraifft os ydych chi, neu y gallech chi brofi caledi ariannol sylweddol.

Dywedwch wrthym pa gymorth sydd ei angen arnoch gyda threth.

Cael cymorth gan deulu neu ffrindiau

Gallwch roi caniatâd i ffrind neu aelod o'r teulu ('cynorthwyydd dibynadwy') ddelio â ni ar eich rhan ar gyfer pethau fel:

  • siarad â ni
  • eich helpu i lenwi ffurflenni

Gallwch hefyd gael help gyda threth gan Cyngor ar Bopeth.

Gall busnesau gael gwybodaeth a chyngor gan Busnes Cymru hefyd.