Bwrdd Trosolwg y Cytundeb Cydweithio: 4 Mawrth 2024
Cofnodion cyfarfod y Bwrdd Trosolwg ar 4 Mawrth 2024.
Efallai na fydd y ffeil hon yn gyfan gwbl hygyrch.
Ar y dudalen hon
Yn bresennol
- Y Gwir Anrh Mark Drakeford AS
- Rhun ap Iorwerth AS
Eitem 1: Cymeradwyo cofnodion y cyfarfod blaenorol (12 Hydref 2023)
1.1 Derbyniodd y Bwrdd gofnodion y cyfarfod blaenorol heb sylw.
Eitem 2: Diweddariad ar gynnydd, gan gynnwys cyfathrebu
2.1 Cyflwynodd Cyfarwyddwr y Cytundeb Cydweithio’r diweddariad ar gynnydd a oedd yn cwmpasu'r 46 ymrwymiad. Roedd y Bwrdd yn ddiolchgar am y diweddariad a nododd fod cryn dipyn o waith wedi digwydd ers cyhoeddi'r Adroddiad Blynyddol ym mis Rhagfyr. Nododd y Bwrdd y papur ar y cyd a gytunwyd ac a gyhoeddwyd ochr yn ochr â dogfennau Cyllideb Derfynol 2024-25, ac roedd yn ddiolchgar i Weinidogion, Aelodau Dynodedig, Cynghorwyr Arbennig a swyddogion am y gwaith.
Eitem 3: Diwygio’r Senedd a’r Comisiwn Cyfansoddiadol
3.1 Rhoddodd y Prif Weinidog y wybodaeth ddiweddaraf i Arweinydd Plaid Cymru ar y camau nesaf o ran trafodaethau'r Cabinet yn dilyn cyhoeddi adroddiad y Comisiwn Annibynnol ar Ddyfodol Cyfansoddiadol Cymru.
3.2 Trafododd y Bwrdd nifer fach o welliannau anllywodraethol a gyflwynwyd cyn y Ddadl Cyfnod 2 ar Fil Senedd Cymru (Aelodau ac Etholiadau) y diwrnod canlynol.