Boddhad â gwasanaethau awdurdodau lleol (Arolwg Cenedlaethol Cymru): Ebrill 2012 i Mawrth 2013

Canfyddiadau allweddol

Roedd yr Arolwg Cenedlaethol yn cynnwys nifer o gwestiynau ynghylch barn pobl am y gwasanaethau sy'n cael eu darparu gan eu hawdurdod lleol.

• Dywedodd 57% bod eu hawdurdod lleol yn darparu gwasanaethau o ansawdd uchel.
• Doedd bron i chwarter (23%) ddim yn credu bod eu hawdurdod lleol yn darparu gwasanaethau o ansawdd uchel, a doedd dau o bob pump (37%) ddim yn credu bod yr awdurdod yn dda am hysbysu pobl leol sut mae'n perfformio.
• Doedd un mewn pump (19%) ddim yn credu bod eu hardal leol yn cael ei gynnal yn dda.
• Doedd saith o bob deg (70%) ddim yn credu bod modd iddynt ddylanwadu ar benderfyniadau sy'n effeithio ar eu hardal leol.

Ar ôl ystyried ffactorau eraill, canfuwyd bod modd egluro boddhad â gwasanaethau awdurdodau lleol drwy agweddau at gynnal yr ardal leol - ond hefyd drwy farn am y ffordd y mae awdurdodau lleol yn dosbarthu gwybodaeth am eu perfformiad. Mae hyn yn awgrymu bod rhoi gwybodaeth i bobl yn hanfodol ar gyfer codi lefelau boddhad.