Barn pobl am eu hardal leol (Arolwg Cenedlaethol Cymru): Ebrill 2012 i Mawrth 2013

Canfyddiadau allweddol

Mae'r rhan fwyaf o bobl yn teimlo'n ddiogel yn y gwahanol sefyllfaoedd yr holwyd amdanynt. Mae teimladau o fod yn ddiogel a pherthyn yn amrywio yn ôl ble mae pobl yn byw, eu hagweddau a'u nodweddion.

• Roedd pobl mewn ardaloedd trefol yn fwy tebygol yn gyffredinol o deimlo'n anniogel a theimlo nad oeddent yn perthyn i'r ardal leol.
• Roedd pobl fwyaf tebygol o deimlo'n anniogel wrth gerdded yn y dref neu ddinas agosaf ar ôl iddi dywyllu, ac roedd y rhai oedd yn teimlo fel hyn yn fwy tebygol o fod yn fenywod, pobl hŷn a'r rhai â theimladau negyddol am yr ardal.
• Roedd pobl llawer llai tebygol o deimlo'n anniogel yn y cartref, ond roedd y rhai oedd yn teimlo felly yn fwy tebygol o fod yn wael eu hiechyd ac yn iau.
• Roedd teimlo'n anfodlon â'r ardal leol yn rhagfynegydd pwysig am deimlo'n anniogel mewn amrywiol sefyllfaoedd, gan awgrymu bod seicoleg teimlo'n anniogel yn rhagfynegydd allweddol.
• Pobl mewn ardaloedd trefol oedd y mwyaf tebygol o deimlo nad oeddent yn perthyn i'r ardal leol.
• Y rhagfynegydd cryfaf o ddiffyg synnwyr o berthyn oedd teimlo'n anfodlon iawn â'r ardal leol.
• Roedd diffyg teimladau cymdogol hefyd yn rhagfynegydd cryf ar gyfer person yn teimlo nad oedd yn perthyn i ardal.