Mae’r adroddiad yma’n cyflwyno canfyddiadau arolwg o 400 o unigolion yng Nghymru.

Ceisiodd yr arolwg ail-gysylltu ddeall sut y gellir mesur hyder yn y system addysg, ac archwilio materion yn ymwneud â chefnogaeth rhieni i addysg plant.

Pwyntiau allweddol

  • Pan ofynnwyd iddynt roi gradd i’w hyder yn y system addysg yng Nghymru ar raddfa o 0 i 10 lle’r oedd 0 yn golygu ‘ddim yn hyderus o gwbl’ a 10 yn ‘eithriadol hyderus’, rhoddodd y mwyafrif o ymatebwyr (63%) sgôr o 7 neu fwy (wedi’i ddiffinio fel ‘hyderus’).
  • Pan ofynnwyd iddynt beth roedden nhw’n ei feddwl am gyflwr addysg yng Nghymru y dyddiau hyn ar raddfa o 0 i 10, lle’r oedd 0 yn ‘eithriadol ddrwg’ a 10 yn ‘eithriadol dda’ rhoddodd y mwyafrif o ymatebwyr (71%) sgôr o 7 neu fwy.
  • Mae gwaith dadansoddi’n dangos bod hyder pobl yn y system addysg yng Nghymru a’r sgôr y byddent yn ei rhoi i gyflwr addysg yng Nghymru’n gyffredinol yn weddol debyg, ond nad ydynt yn ystyried bod y ddau yr un peth.
  • Roedd y mwyafrif llethol (95%) o rieni’n teimlo eu bod yn cyfranogi yn nysgu a datblygiad eu plentyn, er bod ychydig dros hanner (52%) eisiau cyfranogi fwy nag y maent ar hyn o bryd.
  • Roedd pedair rhan o bump o rieni’n teimlo bod rhwystrau’n eu hatal rhag rhoi mwy o gefnogaeth i’w plentyn/plant gartref: y rhwystr mwyaf cyffredin oedd diffyg amser (42%) a’r plentyn ddim eisiau (rhagor o) gefnogaeth (12%).

Adroddiadau

Barn am Addysg yng Nghymru arolwg ail-gysylltu (Arolwg Cenedlaethol Cymru), Ebrill 2013 i Mawrth 2014
, Saesneg yn unig, math o ffeil: PDF, maint ffeil: 1 MB

PDF
Saesneg yn unig
1 MB
Efallai na fydd y ffeil hon yn hygyrch. Cais am fformat gwahanol. Os mae arnoch chi angen fersiwn o’r ddogfen hon mewn fformat mwy hygyrch, e-bostiwch digital@llyw.cymru. Cofiwch ddweud wrthym y math o fformat sydd ei angen arnoch chi. Byddai’n help mawr i ni os gallech chi ddweud wrthym ba fath o dechnoleg gynorthwyol rydych yn ei defnyddio hefyd.

Cyswllt

Llinell Ymholiadau Cyffredinol

Ffôn: 0300 025 5050

Cyfryngau

Ffôn: 0300 025 8099