Cwynion am Awdurdod Cyllid Cymru

Cysylltwch â ni cyn gynted â phosibl os ydych yn anhapus gyda'r gwasanaeth rydych chi wedi’i dderbyn, er enghraifft:

• camgymeriadau
• sut rydym wedi eich trin chi
• camymddwyn gan staff ACC

Byddwn yn edrych ar eich cwyn ac yn ceisio datrys pethau.

Dilynwch broses wahanol os:

• ydych yn anghytuno â'n penderfyniad treth neu gosb
• yn dymuno cwyno am Lywodraeth Cymru neu ei gweinidogion
• oes gennych adborth nad yw'n gŵyn, defnyddiwch ein ffurflen adborth ar-lein

Cysylltwch â'n Swyddog Gwybodaeth os yw eich cwyn yn ymwneud â chais rhyddid gwybodaeth.

Gallwch ddefnyddio ein ffurflen gwynion ar-lein.

Neu ysgrifennwch atom yn:

Gallwch hefyd awdurdodi rhywun arall ar eich rhan i gwyno drosoch chi.

Sut rydym yn defnyddio eich gwybodaeth

Gweler ein polisi preifatrwydd ynglŷn â sut rydym yn defnyddio'r wybodaeth a roddwch chi i ni.

Byddwn yn cydnabod eich cwyn ac yn ymateb o fewn 20 diwrnod gwaith i'w derbyn.

Os yw eich cwyn yn fwy cymhleth a bod angen mwy o amser arnom, byddwn yn rhoi gwybod i chi.

Fel arfer, dim ond os ydych chi'n dweud wrthym o fewn 6 mis y byddwn yn gallu ystyried cwyn.

Nid ydym yn ystyried cwynion am faterion a ddigwyddodd dros 3 blynedd cyn i chi godi'r mater.

Byddwn yn rhoi gwybod y canlyniad i chi a pham ein bod wedi dod i'n casgliad.

• Os ydym wedi gwneud camgymeriad, byddwn yn egluro beth ddigwyddodd ac yn datrys pethau cyn gynted ag y gallwn ni.
• Os ydym yn nodi gwelliannau i'n prosesau wrth ddelio â'ch cwyn, byddwn yn dweud wrthych amdanynt.
• Os oeddem ar fai, byddwn yn ymddiheuro.

Os ydych yn anhapus â'n penderfyniad terfynol, gallwch chi uwchgyfeirio eich cwyn i Ombwdsmon Gwasanaethau Cyhoeddus Cymru.

Dylech barhau i dalu unrhyw dreth sy'n ddyledus tra bod ACC neu'r Ombwdsmon yn datrys eich cwyn.