Arolygon deiliadaeth llety twristiaeth Cymru: Gorffennaf i Medi 2023

Mae'r adroddiad hwn am Ddeiliadaeth Llety yn rhoi gwybodaeth am lefelau deiliadaeth llety â gwasanaeth a llety hunanddarpar, yn ogystal â hosteli a safleoedd gwersylla/carafanio Ceir data trydydd parti hefyd gan Transparent (gosodiadau tymor byr), ac STR Global (cadwyni gwestai mawr).

Sector â gwasanaeth

• Cododd lefelau defnydd yn y sector llety â gwasanaeth yn raddol gydol 2023 gan gyrraedd ei anterth ym mis Awst cyn dechrau gostwng ym mis Medi
• Mae lefelau defnydd y rhanbarthau wedi aros yn debyg, gyda'r Gogledd â'r lefelau defnydd uchaf (80%).

STR

• Mae data STR ynghylch lefelau defnydd yn dangos eu bod yn debyg i rai 2022 neu ychydig yn is.

Hunanddarpar

• Cododd lefelau defnydd fesul uned 19% rhwng Ch2 a Ch3 i gyfartaledd o 85%
• Ni wnaeth un cyfrannwr pwysig ddarparu ei ddata bloc ar gyfer Ch3 y De-orllewin (92%), sy'n golygu bod sgiw yn y data sydd wedi codi'r ffigurau defnydd cyfartalog. 
• Busnesau sydd â llety â mwy nag 11 o welyau oedd â'r lefelau defnydd uchaf o lawer (91%).
• Roedd lefelau llety llai (1 i 3 gwely, a 4 i 10 gwely) union yr un fath ar 76%.
• Mae lefelau defnydd llety rhent tymor byr wedi cynyddu rhwng Chwarteri i 68% yn Ch3.

Sector hosteli

• Mae'r sector hosteli wedi dangos twf mawr bob chwarter gyda'i lefelau defnydd yn nes erbyn hyn at lefelau sectorau eraill yn y WAOS. Cyrhaeddodd ei uchaf gyda 71% ym mis Awst.

Carafanau a gwersylla

• Ar y cyfan, ymddengys bod y sector yn perfformio'n well yn gynharach yn y flwyddyn, gan gyrraedd uchafbwynt o 77% ym mis Mehefin, gan ddirywio wedi hynny. Mae hyn yn wahanol i sectorau eraill sy'n cyrraedd eu hanterth tua misoedd Gorffennaf ac Awst.