Arolwg sgiliau Cymraeg aelodau bwrdd y sector cyhoeddus: hysbysiad preifatrwydd

Mae Llywodraeth Cymru yn cynnal arolwg o aelodau bwrdd presennol cyrff y sector cyhoeddus i gasglu data ar sgiliau iaith Gymraeg. Bydd y data hyn yn cael eu darparu i Bwyllgor Cyfrifon Cyhoeddus a Gweinyddiaeth Gyhoeddus y Senedd, a byddant yn pennu llinell sylfaen i lywio camau gweithredu Llywodraeth Cymru yn y dyfodol.

Pan dderbynnir yr wybodaeth oddi wrth gyrff y sector cyhoeddus sydd wedi’u rhestru yn y Gorchymyn yn y Cyfrin Cyngor fel rhai sy’n dilyn y Cod Llywodraethiant Penodiadau Cyhoeddus, daw Llywodraeth Cymru yn rheolydd data ar ei chyfer.  

Mae’r wybodaeth bersonol a fydd yn cael ei chasglu fel a ganlyn: 

• sgiliau iaith Gymraeg
• bwrdd y sector cyhoeddus
• lleoliad daearyddol
• bydd cyfeiriadau e-bost yn cael eu cadw dim ond ar gyfer y diben o gysylltu ag aelodau bwrdd

Bydd yr wybodaeth hon yn cael ei hanonymeiddio a’i chyfuno i lunio adroddiad sy’n dangos sgiliau iaith Gymraeg aelodau bwrdd, wedi’i ddadansoddi ar lefel wedi’i hanonymeiddio o 10 ac uwch fesul lleoliad daearyddol. Bydd yr adroddiad cyffredinol yn cael ei anonymeiddio ac ni fydd yn cynnwys unrhyw wybodaeth bellach am y pedwar maes uchod.

Rydym yn prosesu’r wybodaeth hon o dan erthygl 6(f), buddiant dilys. Ein buddiant dilys yw gwneud hyn ar gyfer dibenion cynnal trafodaeth ac ar gyfer dibenion cynllunio cynllun recriwtio yn y dyfodol er mwyn sicrhau bod byrddau yn adlewyrchu’r cymunedau y maent yn eu gwasanaethu. 

Yn rhinwedd ein rôl fel y rheolydd data, mae Llywodraeth Cymru yn defnyddio’r wybodaeth a fydd yn cael ei chasglu ar gyfer y dibenion a ganlyn. Mae’r dibenion hyn yn angenrheidiol er mwyn inni gyflawni ein tasgau cyhoeddus ac arfer ein hawdurdod swyddogol:

1.       Dibenion ystadegol ac ymchwil (i’w cynnal mewn modd sy’n sicrhau na ellir adnabod aelodau bwrdd unigol):

• i hysbysu’r broses Penodiadau Cyhoeddus, a dylanwadu arni a’i gwella
• i bennu llinell sylfaen ar gyfer llywio camau gweithredu yn y dyfodol

2.       Dibenion cyhoeddi (i’w cynnal mewn modd sy’n sicrhau na ellir adnabod aelodau bwrdd unigol):

• i lunio adroddiad ar gyfer Pwyllgor Cyfrifon Cyhoeddus a Gweinyddiaeth Gyhoeddus y Senedd, na fydd yn cael ei wneud yn gyhoeddus.

Fel rhan o’r broses casglu data, byddwn yn rhannu’r data wedi’u hanonymeiddio ar sgiliau iaith Gymraeg a lleoliad daearyddol â’r Pwyllgor Cyfrifon Cyhoeddus a Gweinyddiaeth Gyhoeddus. Ni fydd yr wybodaeth hon yn cael ei chyhoeddi. 

Ein buddiant dilys yw gwneud hyn ar gyfer dibenion cynnal trafodaeth ac ar gyfer dibenion cynllunio cynllun recriwtio yn y dyfodol er mwyn sicrhau bod byrddau yn adlewyrchu’r cymunedau y maent yn eu gwasanaethu. 

Byddwn yn cadw data wedi’u hanonymeiddio ar yr iaith Gymraeg, ac am leoliad a’r bwrdd cyhyd ag y byddant yn angenrheidiol i gefnogi gwaith cynllunio a sicrhau bod y bwrdd yn adlewyrchu’r gymuned y mae’n ei gwasanaethu. Bydd unrhyw wybodaeth bersonol neu adnabyddadwy yn cael ei hanonymeiddio cyn gynted ag y bo modd a bydd yr wybodaeth hon yn cael ei thrin yn unol â’r cyfreithiau diogelu data cymwys.

Mae gennych yr hawliau canlynol mewn perthynas â’ch data personol:

Hawl mynediad

Mae hawl gennych i ofyn i weld y data personol yr ydym yn eu prosesu amdanoch.

Yr hawl i gywiro

Mae hawl gennych i ofyn inni gywiro gwallau yn eich data.

Yr hawl i wrthwynebu

Mewn rhai amgylchiadau, mae hawl gennych i wrthwynebu i’ch data gael eu prosesu.

Yr hawl i ddileu

Mae hawl gennych i ofyn i’ch data gael eu dileu, o dan rai amodau penodol.

Yr hawl i gyflwyno cwyn

Mae hawl gennych i gyflwyno cwyn i Swyddfa’r Comisiynydd Gwybodaeth, ein rheoleiddiwr annibynnol ar gyfer diogelu data.

I gael gwybod rhagor am yr wybodaeth y mae Llywodraeth Cymru yn ei chadw a sut y bydd yn cael ei defnyddio, neu os hoffech arfer eich hawliau o dan y GDPR, cysylltwch â:

Mae manylion cyswllt Swyddfa’r Comisiynydd Gwybodaeth fel a ganlyn: