Arolwg Pobl Awdurdod Cyllid Cymru: 2023
Canfyddiadau Arolwg Pobl y Gwasanaeth Sifil Awdurdod Cyllid Cymru (ACC) 2023. Yn mesur ymgysylltiad â chyflogeion er mwyn helpu i wella perfformiad, darpariad gwasanaethau a llesiant staff sefydliadau.
Efallai na fydd y ffeil hon yn gyfan gwbl hygyrch.
Ar y dudalen hon
Trosolwg
Cynhaliwyd yr Arolwg Pobl rhwng 19 Medi 2023 ac 23 Hydref 2023.
- Cwblhaodd 78 o staff ACC yr arolwg
- Cafwyd cyfradd ymateb o 94%
- Roedd mynegai ymgysylltiad gweithwyr ACC yn 76%
Mae ymgysylltu â gweithwyr yn ddull sydd wedi'i gynllunio er mwyn sicrhau bod gweithwyr wedi ymrwymo i nodau a gwerthoedd eu sefydliad, a'u bod yn cael eu cymell i gyfrannu at lwyddiant sefydliadol.
Prif ganlyniadau
| Thema | % Cadarnhaol | O’i gymharu â’r arolwg blaenorol | O’i gymharu â Meincnod y Gwasanaeth Sifil |
|---|---|---|---|
| Mynegai ymgysylltu | 76% | 0 | +12 |
| Fy ngwaith | 84% | -5 | +6 |
| Amcanion a diben sefydliadol | 89% | -3 | +5 |
| Fy rheolwr | 84% | -5 | +6 |
| Fy nhîm | 94% | +2 | +11 |
| Dysgu a datblygu | 63% | -3 | +7 |
| Cynhwysiant a thriniaeth deg | 88% | -5 | +7 |
| Adnoddau a llwyth gwaith | 88% | -5 | +13 |
| Cyflog a buddion | 75% | -5 | +43 |
| Arweinyddiaeth a rheoli newid | 80% | +1 | +28 |
Sut mae'r mynegai ymgysylltiad yn gweithio
Mae'r arolwg yn cynnwys 5 cwestiwn sy'n rhan o’r mynegai ymgysylltiad.
Mae'r sgôr mynegai yn cynrychioli lefel cyfartalog yr ymgysylltiad ac yn amrywio o 0 i 100. Mae sgôr mynegai o 0 yn cynrychioli pob ymatebydd yn dweud eu bod yn anghytuno'n gryf â'r 5 cwestiwn ymgysylltiad. Mae sgôr o 100 yn cynrychioli pob ymatebydd yn dweud eu bod yn cytuno'n gryf â'r 5 cwestiwn ymgysylltiad.
Sut mae'r canlyniadau wedi'u talgrynnu
- Cyflwynir y canlyniadau fel rhifau cyfan er mwyn hwylustod darllen.
- Mae’r talgrynnu’n digwydd ar gam olaf y cyfrifiad er mwyn cywirdeb. Felly mewn rhai achosion, ni fydd y gwahaniaethau a gyflwynir yn yr adroddiad hwn yn cyfateb i ffigurau wedi’u talgrynnu y sgoriau sy'n cael eu cymharu.
Er enghraifft, os yw sgôr y Mynegai Ymgysylltiad heb ei dalgrynnu yn 75.4% a sgôr cyffredinol yn sefydliad yn 74.6%, yn yr adroddiad hwn byddai'r ddau sgôr yma’n ymddangos fel 75%.
Rhestr o’r prif dermau
| Term | Diffiniad |
|---|---|
| % Cadarnhaol | Y gyfran a ddewisodd naill ai "cytuno" neu "cytuno'n gryf", ar gyfartaledd ar draws yr holl gwestiynau o fewn y thema |
| Arolwg blaenorol | Mae cymariaethau â'r arolwg blaenorol yn ymwneud â chanlyniadau Arolwg Pobl y Gwasanaeth Sifil 2022 |
| Meincnod y Gwasanaeth Sifil | Canolrif y ganran gadarnhaol ar draws yr holl sefydliadau a gymerodd ran yn Arolwg Pobl y Gwasanaeth Sifil 2023 |
Cyfrinachedd
Cynhaliwyd yr arolwg fel rhan o Arolwg Pobl y Gwasanaeth Sifil 2023, a reolir gan Swyddfa'r Cabinet ar ran yr holl sefydliadau sy’n cymryd ran. Comisiynir sefydliad allanol gan Swyddfa'r Cabinet i gynnal yr Arolwg.
Er mwyn diogelu anhysbysrwydd unigolion, ni adroddir ar grwpiau o lai na 10 o ymatebwyr. Er hynny mae eu hymatebion yn cyfrannu at y sgoriau cyffredinol ar gyfer yr uned a'r sefydliad y maen nhw’n perthyn iddo a chanlyniadau cyffredinol y Gwasanaeth Sifil.
Darllenwch The Civil Service People Survey: Privacy Notice ar GOV.UK