Arolwg Diwydiant Cymru Greadigol: 2022

Mae’r adroddiad hwn yn amlinellu canfyddiadau Arolwg Diwydiant Cymru Creadigol 2022. Cafodd yr arolwg hwn ei gynnal ym mis Ebrill 2022 ac mae’n cynnwys sampl o fusnesau a gweithwyr llawrydd o’r sectorau sgrin, cerddoriaeth, digidol a chyhoeddi yng Nghymru.

Prif ganlyniadau

• Cafodd yr arolwg ei gwblhau gan 344 o ymatebwyr o’r sectorau cyhoeddi (51%), sgrin (19%), cerddoriaeth (16%) a digidol (14%), ac roedd tua thraean o’r ymatebwyr yn hunangyflogedig neu’n weithwyr llawrydd.
• Roedd y sectorau yn nodi profiadau cymysg mewn perthynas â pherfformiad busnes a throsiant, gan ddangos bod effeithiau COVID-19 wedi bod yn gadarnhaol ar gyfer rhai ac yn negyddol ar gyfer eraill.
• Gwella proffidioldeb, gwella cyfleoedd marchnata a thyfu’r gweithlu yw’r tair prif flaenoriaeth ymhlith y sectorau.
• Ar y cyfan mae busnesau yn fwy hyderus y bydd eu busnesau yn broffidiol y flwyddyn ariannol nesaf nag fel arall.
• Mae tua un busnes o bob pump wedi cael trafferth recriwtio yn ystod y flwyddyn diwethaf, gyda’r rhan fwyaf yn priodoli hyn i’r bwlch sgiliau yn y gweithlu neu ymhlith ymgeiswyr.
• Byddai’r diwydiant ar ei ennill o ragor o gymorth ariannol, rhagor o gyfleoedd ar gyfer rhwydweithio, a chymorth a chyngor busnes mwy hygyrch.