Arolwg Cenedlaethol Cymru: setiau data a fformatau gwylwyr eraill

I gael dadansoddiad manylach, mae fersiynau dienw o setiau data Arolwg Cenedlaethol Cymru, ynghyd â dogfennau ategol, wedi'u hadneuo gydag Archif Data'r DU (caiff rhywfaint o’r wybodaeth ei dileu i ddiogelu cyfrinachedd). Gall defnyddwyr cofrestredig gael mynediad at y setiau data hyn ar gyfer prosiectau ymchwil penodol.

Mae’r setiau data a ganlyn ar gael yn yr archif:

• Ionawr i Fawrth 2012
• Ebrill 2012 i Fawrth 2013
• Ebrill 2013 i Fawrth 2014
• Ebrill 2012 i Fawrth 2014 (data sy’n cyfuno 2 flwyddyn)
• Ebrill 2014 i Fawrth 2015
• Ebrill 2016 i Fawrth 2017
• Ebrill 2017 i Fawrth 2018
• Ebrill 2018 i Fawrth 2019
• Ebrill 2017 i Fawrth 2019 (data sy’n cyfuno 2 flwyddyn)
• Ebrill 2019 i Fawrth 2020
• Mai 2020 i Fawrth 2021

Er mwyn cynorthwyo'r rhai sy'n dymuno dadansoddi data'r Arolwg Cenedlaethol, rydym wedi cynnwys canllaw i ddefnyddwyr data a chatalogau newidynnau yn y dogfennau ar gyfer pob blwyddyn arolwg yn Archif Data’r DU. Mae'r canllaw i ddefnyddwyr y data yn rhoi rhywfaint o gefndir i'r arolwg, yn disgrifio'r data sydd ar gael, ac yn rhoi arweiniad ar sut i wneud dadansoddiadau sylfaenol. Mae'r catalogau newidynnau yn darparu trosolwg o setiau data’r Arolwg Cenedlaethol. Maent yn dangos pa newidynnau sydd ar gael ac os yw'r newidynnau wedi'u cadw yn Archif Data'r DU.

O bryd i’w gilydd, mae’n bosibl y bydd ymchwilwyr yn dymuno dadansoddi mwy o ddata manwl na’r hyn sydd ar gael gan yr Archif Ddata. Mae’n bosibl y gellir ystyried ceisiadau am ddata o’r fath fesul achos. I gael rhagor o fanylion cysylltwch ag arolygon@llyw.cymru.