Arolwg Cenedlaethol Cymru prif ganlyniadau: Ebrill 2018 i Mawrth 2019

Ceir canlyniadau llawer mwy o bynciau, ynghyd â rhagor o fanylion, yn ein dangosydd canlyniadau. Bydd rhagor o adroddiadau byr ar bynciau penodol yn cael eu cyhoeddi drwy gydol y flwyddyn.

Prif bwyntiau

• 93% o bobl yn credu bod hinsawdd y byd yn newid. O'r rhain, mae 37% yn dweud eu bod yn teimlo'n bryderus iawn am y newid yn yr hinsawdd.
• 81% yn fodlon ag ysgol uwchradd eu plant.
• 93% yn fodlon â'r gofal a dderbyniwyd gan eu meddyg teulu, ond dywedodd 40% o'r bobl eu bod yn ei chael yn anodd trefnu apwyntiad cyfleus gyda'r feddygfa.
• 76% yn teimlo bod pobl o gefndiroedd gwahanol yn cyd-dynnu'n dda yn eu hardal leol.
• 17% yn smygu ar hyn o bryd, a 18% yn yfed mwy na'r canllawiau wythnosol o alcohol.
• 32% yn cymryd rhan mewn gweithgaredd chwaraeon neu ymarfer corff o leiaf tair gwaith yr wythnos.
• 85% yn cytuno bod y celfyddydau a diwylliant yn gwneud Cymru'n well lle i fyw.
• 11% yn dweud eu bod yn siarad mwy nag ychydig eiriau o Gymraeg, a'u bod yn ei siarad bob dydd.
• 87% o aelwydydd â mynediad at y rhyngrwyd yn y cartref. 89% o'r oedolion 16 oed ac yn hŷn yn dweud eu bod yn defnyddio'r rhyngrwyd.