Argymhellion i ddiwygio rheoliadau perfformiadau plant

Rheoliadau Plant (Perfformiadau) 1968 a thair set o reoliadau diwygio sy’n llywodraethu’r trefniadau diogelu ar gyfer plant sy’n cymryd rhan mewn perfformiadau. Amcan y ddeddfwriaeth yw diogelu iechyd lles ac addysg plant sy’n cymryd rhan mewn perfformiadau rhag mathau amrywiol o risg.  

Fodd bynnag mae’r rheoliadau’n rhy fanwl a phenodol mewn rhai ffyrdd. Yn dilyn adolygiad annibynnol i ystyried y materion a’r heriau sy’n codi o’r ddeddfwriaeth bu swyddogion yn gweithio gyda phartneriaid i ystyried pa newidiadau sydd angen eu gwneud i’r gyfraith. Ein nod yw sicrhau bod mesurau diogelwch cadarn ar waith i ddiogelu plant ond bod y mesurau hyn yn gymesur ac yn gallu hwyluso cyfleoedd i blant gael perfformio.