Apelio yn erbyn hysbysiad gorfodi draenio cynaliadwy (SuDS)

Gall eich corff cymeradwyo systemau draenio cynaliadwy lleol anfon hysbysiad gorfodi atoch os ydych wedi adeiladu neu newid rhywbeth heb ganiatâd systemau draenio cynaliadwy.

Dim ond y datblygwr sydd wedi cael yr hysbysiad gorfodi all apelio yn erbyn y penderfyniad i'w gyflwyno.

Does dim ffi am apelio.

Rhaid i apêl gael ei gwneud o fewn y cyfnod o 4 wythnos sy'n dechrau ar y diwrnod y rhoddir yr hysbysiad gorfodi i ddatblygwr.

Llenwch ffurflen apêl gorfodaeth systemau draenio cynaliadwy.  

E-bostiwch neu postiwch y ffurflen apêl a dogfennaeth ategol yr Arolygiaeth Gynllunio. Sicrhewch fod copi o'r ffurflen apêl hefyd yn cael ei anfon at y corff cymeradwyo systemau draenio cynaliadwy lleol.

Yr Arolygiaeth Gynllunio
Adeiladau'r Goron
Parc Cathays
Caerdydd
CF10 3NQ

cymru@planninginspectorate.gov.uk