Amseroedd atgyfeiriad am driniaeth: Ebrill 2017 i Mawrth 2018

Gweithgarwch

• Yn 2017-18 roedd 1,107,534 o lwybrau gofal a gaewyd, i fyny 3.2% o’i gymharu â 2016-17 ac i fyny 8.8% o’i gymharu â 5 mlynedd yn ôl (2012-13).
• Aneurin Bevan a gaeodd y mwyaf o lwybrau gofal yn ystod y flwyddyn hon, gan gyfrif am 19.1% (211,243 o lwybrau gofal a gaewyd) a llawfeddygaeth gyffredinol oedd yr arbenigedd gyda’r mwyaf o lwybrau gofal a gaewyd, gan gyfrif am 12.8% (141,692 o lwybrau gofal a gaewyd) o’r holl lwybrau gofal a gaewyd yng Nghymru. 

Perfformiad

Targed 26 wythnos

• Roedd perfformiad dros 2017-18 yr un fath yn fras o’i gymharu â 2016-17, ond roedd yn uwch na pherfformiad 2015-16. Mae perfformiad dros y 3 blynedd diwethaf lawer is na 2012-13, sef y flwyddyn â’r perfformiad uchaf.  
• O’r bum swyddogaeth triniaeth gyda’r mwyaf o lwybrau gofal yn aros, ym maes Dermatoleg yr oedd y perfformiad diwedd flwyddyn gorau gydag 88.6% o gleifion yn cael eu gweld cyn pen 26 wythnos. Roedd y perfformiad gwaethaf ym maes Trawma ac Orthopedeg, gyda 73.1% o gleifion yn aros llai na 26 wythnos.

Targed 36 wythnos

• Lleihaodd y nifer a oedd yn aros dros 36 wythnos yn sylweddol dros y flwyddyn mewn tri o’r byrddau iechyd. Lleihaodd nifer yr achosion a oedd yn aros yn Hywel Dda o 2,965 i 1,494 (lleihad o 49.6%), lleihaodd nifer yr achosion oedd yn aros dros 36 wythnos yng Nghaerdydd a’r Fro o 2,754 i 783 (lleihad o 71.6%) a lleihaodd y nifer yng Nghwm Taf o 376 (sylwer: ffigur mis Mai yw hwn gan fod mis Ebrill yn cynnwys amcangyfrifon) i 4 yn unig (lleihad o 98.9%) rhwng dechrau a diwedd 2017-18.

Cyd-destun

• Yn 2017-18, roedd yr amseroedd aros canolrifol rhwng atgyfeiriad a thriniaeth yn hirach bob mis o’u cymharu â 2016-17 ac eithrio ym mis Chwefror.  
• Ym mis Mawrth 2018 y cafwyd yr amser aros canolrifol byrraf ym mhob bwrdd iechyd ac eithrio dau, Bwrdd Iechyd Addysgu Powys (Ionawr 2018) a Bwrdd Iechyd Prifysgol Cwm Taf (Chwefror 2018).