Amseroedd aros gwasanaethau diagnostig a therapi GIG: Ebrill 2017 i Mawrth 2018

Gwasanathau diagnostig

• Dros y cyfnod diwethaf o bum mlynedd, 2017-18 oedd y flwyddyn orau at ei gilydd o safbwynt y niferoedd sy'n aros dros 8 wythnos. Y pwynt isaf ar draws yr holl gyfnod amser oedd Mawrth 2018.  
• Roedd nifer y bobl a oedd yn aros dros 8 wythnos yn 2017-18 yn uwch nag yn y mwyafrif o fisoedd ar gyfer 2010-11, ond yn is na 2011-12 ar gyfer y mwyafrif o fisoedd.
• Bwrdd Iechyd Aneurin Bevan oedd â'r gostyngiad mwyaf o gleifion sy'n aros fwy nag 8 wythnos yn 2017-18. O ganlyniad, ar ddechrau'r flwyddyn roedd ganddo'r rhan fwyaf o arosiadau dros 8 wythnos ar ddechrau'r flwyddyn ond roedd bron dim arosiadau ganddo ar ddiwedd y flwyddyn.
• Roedd gostyngiad mawr o gleifion yn aros fwy nag 8 wythnos ar gyfer gwasanaethau endosgopi diagnostig yn ystod 2017-18.

Gwasanathau therapi

• Roedd gan 2017-18 lefel uchel o amrywiad yn nifer y cleifion sy'n aros dros 14 wythnos am wasanaethau therapi, gyda rhai o'r pwyntiau misol uchaf ac isaf o'i gymharu â'r cyfnod blaenorol o saith mlynedd. Er bod y niferoedd rhwng Ebrill a Hydref yn fwy ar y cyfan na'r saith mlynedd flaenorol, gwnaeth perfformiad wella o fis Rhagfyr, gyda'r niferoedd yn is na'r chwe blynedd ddiwethaf.
• Bwrdd Iechyd Prifysgol Hywel Dda oedd â'r gostyngiad mwyaf yn nifer y cleifion a oedd yn aros yn hwy na'r amser targed yn 2017-18.
• Yn 2017-18, podiatreg a gwasanaethau ffisiotherapi oedd yn cyfrif am y mwyafrif o arosiadau ar ddechrau'r flwyddyn, ond erbyn mis Mawrth roedd y niferoedd ar eu hisaf.