Adroddiad rheoli gwastraff trefol awdurdod lleol: Hydref i Ragfyr 2023

Mae canran y gwastraff trefol awdurdod lleol a gafodd ei ailddefnyddio, ailgylchu neu gompostio yng Nghymru wedi cynyddu yn sylweddol yn ystod y ddwy ddegawd ddiwethaf (o tua 5% yn yr 1990au hwyr).

Prif bwyntiau (data dros dro)

Ionawr a Rhagfyr 2023

• Cafodd 66.1% o wastraff ei ailddefnyddio/ailgylchu/compostio, cynnydd bach o’i gymharu â’r flwyddyn yn gorffen Rhagfyr 2022, a'r ffigwr 12 mis uchaf ar y cyd sydd wedi ei gofnodi.

Hydref i Ragfyr 2023

• Cafodd 64.6% o wastraff trefol ei ailddefnyddio / ailgylchu / compostio, cynnydd bach ar y chwarter cyfatebol yn 2022, a’r ffigwr uchaf ar gofnod ar gyfer y chwarter Hydref i Ragfyr.
• Cynhyrchwyd 331,568 tunnell o wastraff trefol,cynnydd bach o’i gymharu â’r un chwarter yn 2022 a gostyngiad o 5% o’i gymharu â’r chwarter cyfatebol yn 2019, sef y data mwyaf diweddar cyn y pandemig coronafeirws (COVID-19).

Mae’r ffigyrau yn seiliedig ar ddata dros dro, a gyhoeddir yn chwarterol. Cyhoeddir data terfynol ar gyfer y flwyddyn ariannol yn flynyddol.

Nodiadau

Cesglir data ar reolaeth gwastraff er mwyn monitor cynnydd yn erbyn targedau lleol a chenedlaethol; yn benodol yn erbyn gofynion Y Gyfarwyddeb Fframwaith Gwastraff a’r Gyfarwyddeb Tirlenwi. Yn y strategaeth gwastraff cyfredol ‘Mwy nag ailgylchu’ (2021) mae Llywodraeth Cymru wedi gosod targedau ailgylchu statudol o 64% o wastraff erbyn 2019-20 a 70% erbyn 2024-25.

Daw’r data or system WasteDataFlow sy’n cael ei fonitro gan Adnoddau Naturiol Cymru. Mae gwybodaeth ansawdd ar gael yn yr adroddiad ansawdd.