Adroddiad rheoli gwastraff trefol awdurdod lleol: Ebrill i Fedi 2023

Roedd y cyfnod Ebrill i Medi 2023 ar ddiwedd cyfyngiadau coronafeirws (COVID-19). Fodd bynnag, mae cymariaethau hanesyddol wedi eu heffeithio gan bandemig COVID-19, ac felly mae cymariaethau cyn y pandemig hefyd wedi'u cynnwys.

Mae canran y gwastraff trefol awdurdod lleol a gafodd ei ailddefnyddio, ailgylchu neu gompostio yng Nghymru wedi cynyddu yn sylweddol yn ystod y ddwy ddegawd ddiwethaf (o tua 5% yn yr 1990au hwyr).

Prif bwyntiau (data dros dro)

Hydref 2022 a Medi 2023

• Cafodd 66.1% o wastraff ei ailddefnyddio/ailgylchu/compostio, cynnydd bach o’i gymharu â’r flwyddyn yn gorffen Medi 2022, a'r ffigwr 12 mis uchaf sydd wedi ei gofnodi.

Ebrill i Fehefin 2023

• Cafodd 68.4% o wastraff trefol ei ailddefnyddio / ailgylchu / compostio, cynnydd o 1 pwynt canran ar y chwarter cyfatebol yn 2022, a’r ffigwr uchaf ar gyfer y chwarter yma sydd wedi ei gofnodi.
• Cynhyrchwyd 380,068 tunnell o wastraff trefol,cynnydd o 2% o’i gymharu â’r un chwarter yn 2022 a gostyngiad o 5% o’i gymharu â’r chwarter cyfatebol yn 2019.

Gorffennaf i Fedi 2023

• Cafodd 67.2% o wastraff trefol ei ailddefnyddio / ailgylchu / compostio, cynnydd bach ar y chwarter cyfatebol yn 2022, a’r trydydd ffigwr uchaf ar gofnod ar gyfer y chwarter hwn.
• Cynhyrchwyd 360,984 tunnell o wastraff trefol,cynnydd bach o’i gymharu â’r un chwarter yn 2022 a gostyngiad o 10% o’i gymharu â’r chwarter cyfatebol yn 2019.

Mae’r ffigyrau yn seiliedig ar ddata dros dro, a gyhoeddir yn chwarterol. Cyhoeddir data terfynol ar gyfer y flwyddyn ariannol yn flynyddol.

Nodiadau

Cesglir data ar reolaeth gwastraff er mwyn monitor cynnydd yn erbyn targedau lleol a chenedlaethol; yn benodol yn erbyn gofynion Y Gyfarwyddeb Fframwaith Gwastraff a’r Gyfarwyddeb Tirlenwi. Yn y strategaeth gwastraff cyfredol ‘Mwy nag ailgylchu’ (2021) mae Llywodraeth Cymru wedi gosod targedau ailgylchu statudol o 64% o wastraff erbyn 2019-20 a 70% erbyn 2024-25.

Daw’r data or system WasteDataFlow sy’n cael ei fonitro gan Adnoddau Naturiol Cymru. Mae gwybodaeth ansawdd ar gael yn yr adroddiad ansawdd.