Adolygiad o weithrediad y Fframwaith Adolygiadau Ymarfer Plant

Pan osodwyd y cynigion ar gyfer disodli’r Adolygiadau  Achos Difrifol gerbron y Cynulliad Cenedlaethol, addawodd y Dirprwy Weinidog ar y pryd y byddai’n cynnal adolygiad o’r trefniadau newydd o fewn dwy flynedd i’w rhoi ar waith. Gwnaed Adolygiadau Ymarfer Plant yn statudol ym mis Ionawr 2013.  

Mae’r adolygiad hwn o weithrediad y Fframwaith Adolygiadau Ymarfer Plant yn defnyddio sawl ffynhonnell o dystiolaeth:

• data monitro Llywodraeth Cymru
• hysbysiadau i Lywodraeth Cymru o’r bwriad i gynnal Adolygiad Ymarfer Plant neu Fforwm Proffesiynol Amlasiantaethol
• y 10 Adolygiad Ymarfer Plant sydd wedi’u cyhoeddi hyd yma
• chyfweliadau gydag ystod o rhanddeiliaid.

Trefnir y canlyniadau o dan bum thema a ddaeth i’r golwg yn ystod yr adolygiad:

• ymwybyddiaeth o Adolygiadau  Achos Difrifol
• penderfyniadau ynghylch bwrw ymlaen ag Adolygiad Achos Difrifol
• yr amser a’r adnoddau sydd eu hangen i gynnal Adolygiad Achos Difrifol
• i ba raddau y mae gwahanol rhanddeiliaid yn rhan o’r gwaith
• pha mor effeithiol y lledaenir y wybodaeth.

Mae’r adolygiad yn cloi gyda chyfres o argymhellion ar gyfer y dyfodol.