Adolygiad llenyddiaeth i lywio datblygiad y Rhaglen newydd ar gyfer Cyflogadwyedd Oedolion

Canfyddiadau allweddol

Polisïau a rhaglenni sgiliau hanfodol yng Nghymru

• Mae ymwybyddiaeth o bwysigrwydd sgiliau hanfodol wedi cynyddu fel  rheol po fwyaf y mae cyflogwyr a chyflogeion yn gweld bod canlyniadau pendant i hyfforddiant (e.e. manteision perthnasol megis dyrchafiad neu godiad cyflog, neu ganlyniadau mwy meddal megis cynnydd mewn hyder.
• Mae partneriaethau a chydweithredu effeithiol rhwng darparwyr hyfforddiant a rhanddeiliaid eraill yn arwyddocaol wrth sicrhau cynaliadwyedd hirdymor rhaglenni.

Dylunio rhaglenni sgiliau hanfodol

• Mae dylunio rhaglenni a’r dull darparu’n arwyddocaol gyfer cyfranogiad llwyddiannus dysgwyr ac ar gyfer canlyniadau dysgwyr.
• Gall cymorth personol fod yn arwyddocaol wrth dargedu oedolion di-waith tymor hirach a’r rhai ar fudd-dal analluogrwydd.

Sgiliau hanfodol i oedolion di-waith

• Mae partneriaethau effeithiol rhwng y corff atgyfeirio, darparwyr hyfforddiant ac asiantaethau cymorth eraill yn ffactor o bwys ar gyfer darparu hyfforddiant yn llwyddiannus i oedolion di-waith.
• Roedd talu yn ôl canlyniadau ar gyfer darparwyr hyfforddiant yn arwain at gymorth parhaus pan oedd y dysgwyr mewn cyflogaeth, gyda’r rhai a oedd wedi bod allan o waith am gyfnodau hirach yn elwa ar y cymorth mewn gwaith.

Ar sail yr adolygiad llenyddiaeth, mae’r adroddiad yn gwneud deg o argymhellion ar y ffordd orau o ddylunio a darparu rhaglenni cyflogadwyedd.