Addysg bellach, dysgu seiliedig ar waith a dysgu cymunedol: Awst 2018 i Orffennaf 2019

Prif bwyntiau

• Yn ystod 2018/19, roedd yna 168,810 o ddysgwyr mewn sefydliadau addysg bellach, mewn lleoliadau dysgu oedolyn neu mewn lleoliadau dysgu seiliedig ar waith.
• Roedd 122,040 dysgwr unigryw mewn sefydliadau addysg bellach, 46% ohonynt yn rai rhan amser.
• Roedd 13,050 o ddysgwyr unigryw ym maes dysgu oedolion.
• Roedd cyfanswm nifer y dysgwyr ar raglenni dysgu seiliedig ar waith wedi gostwng 3%.
• Roedd tua 17% yn llai o raglenni dysgu prentisiaeth wedi cychwyn. Mae’r gostyngiad yn nifer y rhaglenni a ddechreuwyd o ganlyniad yn bennaf i gynnydd yn 2017/18 a oedd yn parhau yn 2018/19, ac felly llai o gyllid ar gael ar gyfer rhaglenni newydd.

Nodyn

Mae’r datganiad ystadegol cyntaf hwn yn crynhoi data am ddysgwyr mewn addysg a hyfforddiant ôl-16. Nid yw’r data’n cynnwys sefydliadau ac ysgolion addysg uwch. Mae’n cynnwys dysgwyr mewn colegau, darpariaeth dysgu seiliedig ar waith, a darpariaeth dysgu oedolion. Caiff data am ddysgwyr eu casglu gan Lywodraeth Cymru drwy Gofnod Dysgu Gydol Oes Cymru.