Mae gan y rhaglen Addasiadau Brys arian i'w roi i wneud addasiadau yn gyflym i'ch cartref os yw eich anghenion wedi newid.
Gofal a Thrwsio ac asiantaethau eraill sy'n gyfrifol am ei gweinyddu.
Cymhwysedd
- pobl ag anabledd sy'n byw yn eu cartrefi eu hunain ac yn berchen ar eu cartrefi eu hunain
- pobl hŷn sy'n byw yn eu cartrefi eu hunain ac yn berchen ar eu cartrefi eu hunain
- pobl ag anabledd sy'n rhentu eu cartref oddi wrth landlord preifat
- pobl hŷn sy'n rhentu eu cartref oddi wrth landlord preifat
Rhaid i’r gwaith gael ei gwblhau o fewn 15 diwrnod gwaith.
Newidiadau all gael eu gwneud i'ch cartref
- canllaw dwylo
- mynediad at doiledau
- ailosod switshys golau neu socedi
- darparu canllaw ar y grisiau
- grisiau a hanner grisiau
- systemau i fynd i mewn drwy ddrysau
- technoleg gynorthwyol
- trwsio tu uchaf grisiau neu loriau pren
- lefelu lloriau concrid
- gwella goleuadau y tu mewn a'r tu allan
- trwsio'r gwresogi i'r prif ystafelloedd byw
- gosod stribedi carpedi o naill ben yr ystafell i'r llall
- ailosod cerrig palmant
- socedi ychwanegol
- estyniadau i'r ffôn
Gwneud cais
Rhaid i chi gael eich atgyfeirio gan weithiwr proffesiynol ym maes iechyd neu wasanaethau cymdeithasol megis therapydd galwedigaethol i wneud cais am arian.
Gallwch gysylltu Care and Repair Cymru a fydd yn siarad gydag un o'u partneriaid ar eich rhan.