Skip to content
Ymchwil Gymdeithasol

Gwerthusiad o sgiliau hanfodol yn y gweithle

Bookmark and Share
  • Dyddiad rhyddhau: 16 Mawrth 2016
Nod yr adroddiadau yw gwerthuso effeithiolrwydd y gwaith cyflenwi, ac effaith y ddarpariaeth sgiliau sylfaenol ôl-16 yn y gweithle yng Nghymru.

Adroddiad diweddaraf

Gwerthuso sgiliau hanfodol yn y gweithle

Roedd Sgiliau Hanfodol yn y Gweithle (ESiW) yn rhaglen Llywodraeth Cymru oedd yn cynnig hyfforddiant mewn sgiliau hanfodol.  Mae sgiliau hanfodol yn cynnwys darllen, ysgrifennu, cyfathrebu, rhifedd a sgiliau cyfrifiadurol. Roedd y rhaglen yn cynnig cyfle i ddysgwyr astudio ar gyfer cymwysterau  Sgiliau Hanfodol Cymru (ESW) a Saesneg ar gyfer Siaradwyr Ieithoedd Eraill (ESOL). Fe’i cyllidwyd drwy Gronfa Gymdeithasol Ewrop (ESF) o Ebrill 2010 tan Ebrill 2015.

Mae’r rhaglen wedi perfformio’n dda a chafodd ei gwerthfawrogi’n fawr gan yr holl randdeiliaid allweddol (darparwyr, cyflogwyr a dysgwyr). Cafodd y rhaglen ei rheoli’n dda, a chyrhaeddwyd ymgysylltiad dysgwyr allweddol a thargedau cyrhaeddiad am lai o arian nag a ddyrannwyd yn wreiddiol. Mae ymwybyddiaeth o anghenion sgiliau hanfodol yn llawer cryfach nawr ymysg cyflogwyr a’r gweithlu, ac mae’r galw am hyfforddiant yn debygol o barhau. Gwelwyd effaith gadarnhaol ar fusnesau gan gyflogwyr o ran gwell morâl staff, hyder yn y gwaith, datblygu sgiliau a chynhyrchiant.

Argymhellion
  • Adolygu perfformiad darparwyr gan ystyried y cyfraddau trosi er mwyn deall pam fod y cyfraddau’n amrywio’n eithaf sylweddol o ddarparwr i ddarparwr.
  • Adolygu statws cymwysterau blaenorol dysgwyr ac ystyried cynnwys  targed i ddarparwyr hyfforddiant i ennyn diddordeb dysgwyr sydd heb unrhyw gymwysterau.
  • Os bydd model rhanbarthol yn cael ei fabwysiadu, dylid ystyried dichonoldeb i ddarparwyr i weithredu dros Gymru Gyfan i sicrhau parhad perthynas darparwr/cyflogwr.
  • Adolygu lefel isel y ddarpariaeth ar gyfer ESOL i sicrhau fod dysgwyr sydd ag anghenion iaith yn cael cymorth priodol.
  • Dylai Llywodraeth Cymru fonitro’r galw am ac adolygu’r ddarpariaeth o ddysgu drwy gyfrwng y Gymraeg mewn unrhyw gyflwyno sgiliau hanfodol yn y dyfodol.
  • Dylai cynllun rhaglen y dyfodol benderfynu ar yr agweddau allweddol o’r rhaglen allai effeithio’r canlyniadau o amgylch cydraddoldeb a chynaliadwyedd, ac integreiddio’r agweddau hyn drwy’r cyflwyno i ganlyniadau a thargedau sydd wedi eu diffinio’n dda. Dylid hefyd ystyried sut y gellir cael tystiolaeth o hyn.

Cyswllt

Ymchwilydd
Ffôn: 0300 025 7459
Ebost: faye.gracey@wales.gsi.gov.uk

Media
Ffôn: 0300 025 8099

y wybodaeth ddiweddaraf @ystadegaucymru@ystadegaucymru Cofrestrwch i dderbyn ein cylchlythyrCofrestrwch i dderbyn ein cylchlythyr
Rhannu